- కొలువు పోయిందని టవరెక్కిన యువకుడు
- టీఆర్ఎస్ కండువాతో ఉరేసుకునేందుకు యత్నం
- రక్షించిన పోలీసులు
గజ్వేల్/సిద్దిపేట, వెలుగు: చదువుకు సరిపడా కొలువు దొరకలేదు.. అవుట్సోర్సింగ్లో దొరికిన చిన్నపాటి పని కూడా పోవడం, ఆర్థిక ఇబ్బందులు ఎక్కువవడంతో ఓ యువకుడు సెల్టవర్ఎక్కి ఆత్మహత్యకు యత్నించాడు. గజ్వేల్ సీఐ ఆంజనేయులు, యువకుడి భార్య తెలిపిన వివరాల ప్రకారం.. మహబూబాబాద్ జిల్లా నర్సింలుపేట మండలం పాడ్యా తండాకు చెందిన తవుడియా శంకర్(35) బీఈడీ చేశాడు. వరంగల్ కలెక్టరేట్లో అవుట్సోర్సింగ్ అటెండర్గా పని చేసేవాడు. శంకర్కు భార్య స్వాతి, ఇద్దరు పిల్లలు ఉన్నారు. కొన్ని నెలల క్రితం ఉద్యోగంలో నుంచి శంకర్ను తీసివేశారు. తనను తిరిగి ఉద్యోగంలోకి తీసుకోవాలని అధికారుల చుట్టూ తిరుగుతున్నాడు. అదే సమయంలో పిల్లలు అనారోగ్యానికి గురవ్వటంతో హాస్పిటల్ఖర్చులతో ఆర్థికంగా కుంగిపోయాడు. మరోవైపు ఉద్యోగం కూడా లేకపోవటంతో తీవ్ర ఆందోళన చెందాడు. ఈ క్రమంలో సీఎం కేసీఆర్ సొంత నియోజకవర్గమైన గజ్వేల్కు గురువారం వచ్చాడు.
సెల్టవర్ఎక్కి నినాదాలు
సిద్దిపేట జిల్లా ప్రజ్ఞాపూర్రాజీవ్ రహదారి సమీపంలోని మజీద్పక్కనున్న బీఎస్ఎన్ఎల్టవర్ పైకి గురువారం ఉదయం శంకర్ఎక్కాడు. మెడలో టీఆర్ఎస్కండువా వేసుకుని టవర్పైనుంచి టీఆర్ఎస్.. కేసీఆర్జిందాబాద్.. నాకు ఉద్యోగం కావాలి అంటూ నినాదాలు చేశాడు. దీంతో ఒక్కసారిగా ఆ ప్రాంతంలో కలకలం రేగింది. స్థానికుల సమాచారంతో పోలీసులు అక్కడకు చేరుకుని అతడిని కిందకు దించేందుకు ప్రయత్నాలు ప్రారంభించారు. రెండు గంటలు గడిచినా పోలీసుల ప్రయత్నాలు ఫలించలేదు. పోలీసులు అతడితో మాట్లాడుతూనే మరోవైపు స్థానికంగా ఉన్న నలుగురు యువకులను పైకి ఎక్కించారు. ఇంతలో శంకర్మెడలోని కండువాతో సెల్టవర్కు ఉరి వేసుకుని వేలాడసాగాడు. దీంతో ఆ ప్రాంతంలో తీవ్ర ఉత్కంఠ నెలకొంది. వెంటనే యువకులు శంకర్ను పట్టుకుని జాగ్రత్తగా కిందకు దించారు. అనంతరం పోలీసులు అతడిని గజ్వేల్ ప్రభుత్వాసుపత్రికి తరలించి ఆపై అదుపులోకి తీసుకున్నారు. శంకర్టవర్పైకి ఎక్కిన సమయంలో భార్యా పిల్లలు సైతం అక్కడే ఉండడం గమనార్హం. పెద్ద చదువులు చదివిన తన భర్తకు ఎలాగైనా ఉద్యోగం కల్పించి తమ కుటుంబాన్ని ఆదుకోవాలని శంకర్భార్య స్వాతి ప్రభుత్వాన్ని కోరింది.
