- బైక్ నుంచి పెట్రోల్ తీస్తుండగా
- ప్రశ్నించినందుకు ఫైరింగ్
- నిందితుడి కోసం గాలిస్తున్న పోలీసులు
జీడిమెట్ల, వెలుగు: జీడిమెట్ల పరిధిలోని గాజులరామారంలో కాల్పుల కలకలం రేగింది. పోలీసులు, స్థానికుల కథనం ప్రకారం.. గౌతమ్, పూర్ణిమ, అజయ్ ముగ్గురు బైక్పై వెళ్తుండగా, మంగళవారం రాత్రి గాజుల రామారం ఎల్ఎన్‌ బార్ అండ్ రెస్టారెంట్వద్ద బైక్‌‌‌‌‌‌‌‌‌‌‌‌‌‌‌‌లో పెట్రోల్ అయిపోయింది. దీంతో గౌతమ్ బార్ వద్దకు వచ్చి అక్కడ పార్క్ చేసిన బైక్లోంచి పెట్రోల్ తీస్తున్నాడు. ఇది గమనించిన బార్ క్యాషియర్ అఖిలేశ్ వారితో వాగ్వాదానికి దిగాడు. దీంతో పూర్ణిమ తన భర్త నరేశ్‌‌‌‌‌‌‌‌‌‌‌‌‌‌‌‌కి ఫోన్ చేయడంతో.. కొద్దిసేపటికే నరేశ్, శివ, సొహైల్తో పాటు మరో వ్యక్తిని తీసుకొని అక్కడికి చేరుకున్నారు.
ఆపై తన వద్ద ఉన్న గన్‌‌‌‌‌‌‌‌‌‌‌‌‌‌‌‌తో నరేశ్ నాలుగు రౌండ్లు కాల్పులు జరపగా.. అఖిలేశ్ తప్పించుకుని పారిపోయాడు. అదే సమయంలో అక్కడికి వచ్చిన బార్ఓనర్ నిశాంత్ను తార్వాహనంతో ఢీ కొట్టారు. ఈ మేరకు క్యాషియర్ అఖిలేశ్ ఇచ్చిన ఫిర్యాదుతో జీడిమెట్ల పోలీసులు కేసు నమోదు చేసి దర్యాప్తు చేపట్టారు. ప్రస్తుతం నరేశ్ పరారీలో ఉండగా అతడి అనుచరులను పోలీసులు అదుపులోకి తీసుకుని ప్రశ్నిస్తున్నారు.
అయితే, పోలీసులు సంఘటన స్థలానికి చేరుకొని నిందితులను పోలీస్ స్టేషన్ కు తీసుకొచ్చిన వీడియోలు వైరల్గా మారాయి. కాల్పుల విషయం తెలియక నిందితుడిని వదిలేసి తిరిగి గాలిస్తున్నారా? లేక విషయం బయటకు తెలియడంతో గాలింపు చర్యలు చేపట్టారా అనే అనుమానాలు వ్యక్తమవుతున్నాయి.
