నవీపేట్, వెలుగు: నిజామాబాద్ మున్సిపల్ కార్పొరేషన్కమిషనర్ దగ్గర పీఏగా పనిచేస్తున్నానంటూ, జాబ్లు ఇప్పిస్తానని ఓ వ్యక్తి నిరుద్యోగులను నమ్మించి వారి నుంచి డబ్బులు వసూలు చేశాడు. మోసపోయిన బాధితులు శుక్రవారం నవీపేట పోలీస్స్టేషన్ లో సంప్రదించారు. మండల కేంద్రానికి చెందిన క్రాంతి అనే వ్యక్తి నగర పాలక సంస్థలో ఉద్యోగాలు ఇప్పిస్తానని పలువురిని నమ్మించాడు. బైక్కు మున్సిపల్ స్టిక్కర్ అంటించి, వారికి అనుమానం రాకుండా మున్సిపల్ఆఫీసు వద్దే నిరుద్యోగులను కలిసేవాడు.
Also Read :- TSPSC గ్రూప్ 1 పరీక్ష.. మళ్లీ రద్దుకు కారణాలేంటి?
నిజమని నమ్మిన మండలంలోని సుమారు పది మంది యువకులు రూ.50 వేల నుంచి రూ.లక్షదాకా నగదు ఇచ్చారు. శానిటేషన్ సూపర్వైజర్ పోస్టుల్లో సర్దుబాటు చేశానని సిటీలో తిప్పి, జియోట్యాగింగ్ కోసమంటూ సెల్ఫోన్లో ఫొటోలు కూడా తీశాడు. నెల గడిచాక జీతం గురించి అడుగగా తప్పించుకుంటున్నాడు. చివరకు అతడి జాడ తెలియకపోవడంతో సురేశ్అనే బాధితుడి ఆధ్వర్యంలో పలువురు పోలీసు స్టేషన్కు వచ్చారు. నిజామాబాద్4వ టౌన్వెళ్లమని ఎస్ఐ యాదగిరిగౌడ్ వారికి సూచించి పంపారు.
