- వరంగల్జిల్లా అన్నారంలో ఘటన
పర్వతగిరి, వెలుగు : గ్యార్మీ వేడుకల్లో డ్యాన్స్చేస్తూ గుండెపోటుతో వ్యక్తి మృతి చెందిన ఘటన వరంగల్జిల్లాలో జరిగింది. స్థానికులు, కుటుంబ సభ్యులు తెలిపిన ప్రకారం.. పర్వతగిరి మండలం అన్నారానికి చెందిన షేక్ఖదీర్(50) మూడు దశాబ్దాల కింద హసన్పర్తి మండలం అనంతసాగర్ నుంచి బతుకు దెరువు కోసం వచ్చాడు. ఇక్కడ ముజేవార్ల వద్ద దర్గాలో జీతానికి పనిచేస్తున్నాడు.
ఆదివారం ముస్లింలు గ్యార్మీ వేడుకలు నిర్వహించుకుంటుండగా తన ఇంటి ముందుకు వచ్చిన జెండా ఊరేగింపులో పాల్గొన్నాడు. అతడు కొద్ది దూరం వెళ్లాక ఒక్కసారిగా చాతిలో నొప్పి రావడంతో కుప్పకూలి కిందపడిపోయి మృతి చెందాడు. ఖదీర్ది పేద కుటుంబం కావడంతో దహన సంస్కారాలకు గ్రామస్తులు ఆర్థికసాయం అందించి పూర్తి చేశారు. మృతుడికి భార్య రషీదా, ముగ్గురు కూతుళ్లు అరిఫా, టిల్లు, గౌషియా ఉన్నారు.
