భద్రాద్రికొత్తగూడెం, వెలుగు: పోక్సో కేసులో ఓ వ్యక్తికి 20 ఏండ్ల జైలు శిక్ష విధిస్తూ కొత్తగూడెం మొదటి అదనపు జిల్లా, సెషన్స్జడ్జి ఎం. శ్యాం శుక్రవారం తీర్పునిచ్చారు. భద్రాద్రి కొత్తగూడెం జిల్లా దమ్మపేట మండలం ముష్టిబండ గ్రామానికి చెందిన ఓ మహిళ తన ఏడేండ్ల కూతురిని పక్కింటికి వెళ్లి బియ్యం తీసుకురమ్మని 2019 జనవరి 3న పంపించింది. ఎంతసేపటికీ కూతురు రాకపోవడంతో ఆమె పక్కింటికి వెళ్లి తలుపు కొట్టింది. ఇంట్లో ఉన్న ప్రసాద్ కంగారుగా వచ్చి తలుపులు తీయడంతో ఏడుస్తూ చిన్నారి బయటకు వచ్చింది. చిన్నారి ఒంటిపై దుస్తులు సక్రమంగా లేకపోవడంతో ఆ మహిళ విషయాన్ని భర్తకు చెప్పింది. కూతుర్ని తీసుకొని తల్లిదండ్రులు దమ్మపేట పొలీస్ స్టేషన్లో కంప్లైంట్ ఇచ్చారు. అప్పటి ఏఎస్సై షేక్సర్దార్కేసు నమోదు చేయగా పాల్వంచ డీఎస్పీ మధుసూదన్రావు దర్యాప్తు చేపట్టారు. పది మంది సాక్షుల విచారణ అనంతరం ప్రసాద్కు 20 ఏండ్ల కఠిన కారాగార శిక్షతో పాటు రూ. 20 వేలు ఫైన్ విధించారు. బాలికకు రూ. 5 లక్షల పరిహారం చెలించాలని తీర్పునిచ్చారు.
