నాచారం, వెలుగు: నాచారంలోని సెయింట్ పీటర్స్ పాఠశాల యాజమాన్యం అయ్యప్ప మాల వేసుకున్న ఇద్దరు స్టూడెంట్స్ ను క్లాసులోనికి అనుమతించలేదు. విషయం తెలుసుకున్న అయ్యప్ప స్వాములు సోమవారం పాఠశాలకు చేరుకుని పిల్లల తల్లిదండ్రులకు మద్దతుగా స్కూల్ ఎదుట బైఠాయించి నిరసన తెలిపారు. ఈ సందర్భంగా వారు మాట్లాడుతూ.. పాఠశాల యజమాన్యం హిందువుల మనోభావాలను దెబ్బతీసే విధంగా ప్రవర్తిస్తుందని మండిపడ్డారు.
గతంలోనూ ఈ పాఠశాల ఇదే విధంగా వ్యవహరించిందని విద్యార్థుల తల్లిదండ్రులు ఆందోళనలు చేసినా వారి తీరు మాత్రం మారడం లేదన్నారు. మాల వేసిన సమయంలో స్కూల్యూనిఫామ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో రావాలంటూ ఆంక్షలు విధించడం సరైంది కాదన్నారు. నాచారం పోలీసులు పాఠశాలకు చేరుకుని స్కూల్ యాజమాన్యంతో చర్చించారు. పోలీసులు జోక్యంతో విద్యార్థులను పాఠశాలకు అనుమతి ఇవ్వడంతో అయ్యప్ప స్వాములు,విద్యార్థుల తల్లిదండ్రులు ఆందోళన విరమించారు.
