దేవకీ నందన వాసుదేవ’ లాంటి డివైన్ థ్రిల్లర్‌‌‌‌తో హీరోయిన్‌‌గా పరిచయం కావడం అదృష్టం అంటోంది మానస వారణాసి. అశోక్ గల్లా హీరోగా అర్జున్ జంధ్యాల దర్శకత్వంలో సోమినేని బాలకృష్ణ నిర్మించిన ఈ చిత్రం నవంబర్ 22న ప్రేక్షకుల ముందుకొస్తుంది. ఈ సందర్భంగా హీరోయిన్ మానస వారణాసి చెప్పిన విశేషాలు.
నేను పుట్టింది హైదరాబాదులోనే అయినా స్కూలింగ్ మలేషియాలో జరిగింది. ఇక్కడ ఇంజనీరింగ్ చేశా. కొన్నాళ్లు కార్పొరేట్‌‌లో జాబ్ చేసిన తర్వాత మిస్ ఇండియా పోటీల్లో పాల్గొని టైటిల్ గెలిచాను. అలాగే మిస్ వరల్డ్ పోటీల్లో ఇండియాని రిప్రజెంట్ చేశా. ఆ టైమ్‌‌లోనే ఈ సినిమా చాన్స్ వచ్చింది. ఇదొక కమర్షియల్ డివైన్ థ్రిల్లర్. నా క్యారెక్టర్ పేరు సత్యభామ.
వెరీ ప్లే ఫుల్, లవ్ బుల్, మిస్టీరియస్ గర్ల్. ఎలాంటి కష్టం వచ్చినా ధైర్యంతో నిలబడే అమ్మాయి. ఇది పర్సనల్‌‌గా నాకు చాలా నచ్చిన క్యారెక్టర్. కథలో నా పాత్ర చాలా కీలకం. ఫస్ట్ మూవీతోనే చాలా విషయాలు నేర్చుకున్నా. అశోక్ గారు వెరీ ప్రొఫెషనల్. క్లియర్ విజన్‌‌తో అర్జున్ గారు తీశారు. భీమ్స్ తన మ్యూజిక్‌‌తో సినిమాను నెక్స్ట్ లెవల్‌‌కి తీసుకెళ్లారు. రొమాన్స్, కామెడీ, మిస్టరీ థ్రిల్లర్ నా ఫేవరేట్ జానర్స్. ప్రస్తుతం యూవీ క్రియేషన్‌‌లో ‘కపుల్ ఫ్రెండ్లీ’ అనే సినిమా చేస్తున్నా’’.
