కార్పొరేషన్ దిశగా మంచిర్యాల

రెండు మున్సిపాలిటీలు, 8 పంచాయతీలు విలీనం
ప్రభుత్వానికి ప్రపోజల్స్ పంపిన అధికారులు 
జనవరి లేదా ఫిబ్రవరిలో నోటిఫికేషన్ వచ్చే చాన్స్
మ్యాప్ రిలీజ్.. సోషల్ మీడియాలో వైరల్

మంచిర్యాల, వెలుగు: మంచిర్యాల మున్సిపాలి టీని కార్పొరేషన్గా అప్గ్రేడ్ చేసేందుకు ప్రభుత్వం చర్యలు ప్రారంభించింది. మంచిర్యాల, నస్పూర్మున్సిపాలిటీలతో పాటు హాజీపూర్ మండలం లోని ఎనిమిది గ్రామ పంచాయతీలను విలీనం చేస్తూ కార్పొరేషన్ఏర్పాటు కోసం కలెక్టర్ కుమార్దీపక్రెండు నెలల కిందట ప్రపోజల్స్ పంపారు. దీనిపై స్పందించిన సీడీఎంఏ కార్పొరేషన్ ఏర్పాటుకు అవసరమైన పూర్తి వివరాలను పంపాలని ఆదేశిస్తూ నెల క్రితం మున్సిపల్ అధికారులకు లెటర్ రాసింది.

ఈ మేరకు మున్సిపాలిటీలు, గ్రామాల్లో జనాభా, ఓటర్లు, కుటుంబాలు, పన్నుల ద్వారా వచ్చే ఆదాయం, సాగుభూములు, వ్యవసాయేతర భూములు, సాగునీటి వనరులు తదితర వివరాలపై అధికారులు సర్వే చేస్తున్నారు. ఈ ప్రక్రియ పూర్తికాగానే జనవరి లేదా ఫిబ్రవరిలో కార్పొరేషన్గా ప్రకటిస్తూ నోటిఫికేషన్ రిలీజ్ చేసే చాన్స్ ఉన్నట్టు తెలుస్తోంది.

2.50 లక్షల జనాభా..150 చ.కి.మీ. వైశాల్యం

మంచిర్యాల, నస్పూర్ మున్సిపాలిటీలతో పాటు హాజీపూర్ మండలంలోని వేంపల్లి, ముల్కల్ల, గుడిపేట, చందనాపూర్, నర్సింగాపూర్, కొత్తపల్లి, పోచంపాడ్, నంనూర్ గ్రామాలను విలీనం చేస్తూ కార్పొరేషన్ ఏర్పాటు కోసం అధికారులు ప్రపోజల్స్పంపారు. 2011 సెన్సెస్ప్రకారం వీటి పరిధిలో 1.63 లక్షల జనాభా ఉండగా.. ప్రస్తుతం జనాభా 2.50 లక్షలకు చేరినట్టు అంచనా. భూభాగం 150 చదరపు కిలోమీటర్ల వైశాల్యం ఉంటుంది.

దీనికి సంబంధించిన మ్యాప్ను రిలీజ్ చేయడంతో సోషల్మీడియాలో వైరల్అవుతోంది. ఇప్పటికే గుడిపేటలో 13వ స్పెషల్ పోలీస్ బెటాయిలియన్ ఉండగా, మెడికల్ కాలేజీ, కేంద్రీయ విద్యాలయం అక్కడే నిర్మిస్తున్నారు. వేంపల్లి, ముల్కల్ల శివార్లలో ఇండస్ట్రియల్హబ్, ఐటీ పార్క్, ఆటో నగర్ ఏర్పాటు ప్రక్రియ కొనసాగుతోంది. కార్పొరేషన్ ఏర్పాటుతో చుట్టుపక్కల గ్రామాల్లో డెవలప్మెంట్ స్పీడప్ అవుతుందని భావిస్తున్నారు.

నెరవేరనున్న కల

కోల్బెల్ట్ కేంద్రంగా, వ్యాపార వాణిజ్య కేంద్రంగా గుర్తింపు పొందిన మంచిర్యాల టౌన్ 2016లో జిల్లా కేంద్రంగా ఆవిర్భవించిన తర్వాత స్పీడ్గా డెవలప్ అవుతోంది. శివారు ప్రాంతాల్లో కొత్త కాలనీలు విస్తరించడమే కాకుండా పక్కనున్న నస్పూర్, క్యాతనపల్లి మున్సిపాలిటీలు కలిసిపోయి ఒకే టౌన్గా మారాయి. ఈ నేపథ్యంలో నాలుగేండ్ల కిందట గత బీఆర్ఎస్ ప్రభుత్వ హయాంలోనే మంచిర్యాల మున్సిపాలిటీని కార్పొరేషన్గా అప్గ్రేడ్చేయాలని ప్రయత్నాలు జరిగినా రాజకీయ కారణాల వల్ల జరగలేదు.

ALSO READ : ఆదిలాబాద్లో ఢిల్లీస్థాయి టెంపరేచర్లు

ఈసారి అలాంటి అడ్డుంకులు రాకుండా మంచిర్యాల అసెంబ్లీ నియోజకవర్గం పరిధిలోని మున్సిపాలిటీలు, గ్రామాలను విలీనం చేస్తూ కార్పొరేషన్ కోసం ప్రపోజల్స్ పంపినట్టు చెప్తున్నారు. ప్రభుత్వం జనవరిలో పంచాయతీ ఎన్నికలు నిర్వహించేందుకు ఏర్పాట్లు చేస్తుండడంతో ఈలోపే కార్పొరేషన్ విషయంలో క్లారిటీ వచ్చే అవకాశం ముందని భావిస్తున్నారు.