విష్ణు మంచు టైటిల్‌ రోల్‌‌లో తెరకెక్కుతున్న చిత్రం ‘కన్నప్ప’. అవా ఎంటర్‌‌‌‌టైన్మెంట్స్, 24 ఫ్రేమ్స్ ఫ్యాక్టరీ బ్యానర్లపై మోహన్ బాబు నిర్మిస్తున్నారు. ముఖేష్ కుమార్ సింగ్ దర్శకత్వం వహిస్తున్నారు. సోమవారం ఈ మూవీ రిలీజ్‌ డేట్‌‌ను అనౌన్స్ చేశారు. వచ్చే ఏడాది ఏప్రిల్ 25న విడుదల చేయబోతున్నట్టు ప్రకటించారు. గత కొన్నాళ్లుగా టీమ్ అందరూ కలిసి ద్వాదశ జ్యోతిర్లింగాలను దర్శించుకుంటున్నారు.
ఈ క్రమంలో ఉజ్జయినీ మహాకాళేశ్వర్ దేవాలయంలో కన్నప్ప విడుదల తేదీని ప్రకటించారు. ప్రభాస్, అక్షయ్ కుమార్, మోహన్ లాల్, శరత్ కుమార్ లాంటి పలువురు స్టార్స్ ఇందులో కీలకపాత్రలు పోషిస్తున్నారు. ఇంకా ఈ చిత్రంలో మధుబాల, దేవరాజ్, ముఖేష్ రిషి, మంచు అవ్రామ్, అర్పిత్ రంకా, బ్రహ్మానందం ఇతర ముఖ్యపాత్రల్లో కనిపించనున్నారు.
