మక్తల్/ఊట్కూరు, వెలుగు: ఎస్సీ వర్గీకరణ చేయకుండా కాలయాపన చేసిన పార్టీలను ఈ ఎన్నికల్లో ఓడించాలని ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ పిలుపునిచ్చారు. మక్తల్లోని బీసీ కాలనీలో శుక్రవారం బీజేపీ అభ్యర్థి మారిరెడ్డి జలంధర్రెడ్డికి మద్దతుగా నిర్వహించిన కార్యక్రమంలో ఆయన పాల్గొని మాట్లాడారు. దళితుల ఓట్లు వేయించుకొని అధికారంలోకి వచ్చిన ప్రతిసారి కాంగ్రెస్ మోసం చేసిందన్నారు. తెలంగాణ ఉద్యమంలో అమరులైన దళిత బిడ్డల కుటుంబాలను సీఎం కేసీఆర్ పట్టించుకోలేదన్నారు.
తాను అధికారంలోకి వస్తే దళితుడిని సీఎం చేస్తానన్న కేసీఆర్, అధికారంలోకి వచ్చాక తానే సీఎం కుర్చీలో కూర్చున్నాడన్నారు. ప్రధాని మోదీ, కేంద్ర హోం మంత్రి అమిత్ షా ఎస్సీ వర్గీకరణ చేస్తామని హామీ ఇచ్చారన్నారు. అందుకే అందరూ బీజేపీ అభ్యర్థి మాదిరెడ్డి జలంధర్ రెడ్డికి ఓట్లు వేసి గెలిపించాలని కోరారు. అంతకుముందు జలంధర్ రెడ్డి మక్తల్ మండలం ఉప్పర్పల్లి, లింగంపల్లి, సోమేశ్వరబండ, ముస్లాయిపల్లి, అనుగొండ, ఊట్కూరు మండలం అవుసులోనిపల్లి, లక్ష్మీపల్లి గ్రామాల్లో ప్రచారం నిర్వహించారు. బలరాం రెడ్డి, విజయకుమార్, హన్మంతు, గోపాల్, లక్ష్మణ్ పాల్గొన్నారు.
