దళితబంధు పథకంలో అవినీతి పెరిగిపోయిందని ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ ఆరోపించారు. కరీంనగర్లో నిర్వహించిన ప్రెస్ మీట్ లో ఆయన మాట్లాడుతూ.. సీఎం కేసీఆర్ అధికారంలోకి వచ్చి 9 ఏళ్లు అవుతున్నా.. ఎన్నికలలో ఇచ్చిన చాలా హామీలు ఇప్పటికీ నెరవేర్చలేదని, దశాబ్ది ఉత్సవాలు నిర్వహించే నైతిక హక్కు సీఎం కు లేదన్నారు. పథకాలలో అవినీతి గురించి స్వయాన ముఖ్యమంత్రే ప్రజాప్రతినిధులను హెచ్చరించడం అవినీతి తీవ్రతను తెలియజేస్తోందని అన్నారు.
Also Read:కాంగ్రెస్‌‌కు ఓటేస్తే కష్టాలు తెచ్చుకున్నట్లే
అనాథలను విస్మరించిన కేసీఆర్
అనాథ పిల్లలను ఆదుకుంటామని హామీ ఇచ్చిన సీఎం కేసీఆర్ ఆ ఊసే ఎత్తట్లేదని విమర్శించారు. వారి కోసం యాదగిరిగుట్టలో రెసిడెన్షియల్ స్కూల్తో పాటు గురుకులాన్ని ప్రారంభిస్తామని చెప్పి మర్చిపోయారన్నారు. అనాథలకు అన్నం పెట్టలేని ప్రభుత్వం వందల కోట్లతో ఉత్సవాలు చేస్తోందన్నారు. కులధ్రువీకరణ పత్రాలు, స్మార్ట్ కార్డు లు ఇస్తామని గతంలో సీఎం చెప్పిన హామీలను మందకృష్ణ గుర్తు చేశారు.
అనాథ పిల్లలకు సీఎం ఇచ్చిన హామీలకు జూన్ 23 నాటికి 8 ఏళ్లు అవుతుండటంతో రాష్ట్ర వ్యాప్తంగా నిరసనలు చేపట్టనున్నట్లు ఆయన చెప్పారు. అనాథలకు ఓట్లు వేసే తల్లితండ్రులు ఉండరు కాబట్టే ప్రభుత్వం వారిని పట్టించుకోవట్లేదని విమర్శించారు.
