- వన్మెన్ కమిషన్ చైర్మన్కు మంద కృష్ణ వినతి
హైదరాబాద్, వెలుగు : ఎస్సీ వర్గీకరణపై వన్ మెన్ కమిషన్ ఇచ్చిన రిపోర్టులో లోపాలను సవరించాలని, అన్ని కులాలకు సమన్యాయం జరిగేలా చూడాలని వన్ మెన్ కమిషన్ చైర్మన్ జస్టిస్ షమీమ్ అక్తర్ను ఎంఆర్పీఎస్ వ్యవస్థాపక అధ్యక్షుడు మంద కృష్ణ మాదిగ కోరారు. బుధవారం బీఆర్కే భవన్లో మందకృష్ణ ఆయనను కలిసి రిపోర్టులోని లోపాలను వివరించారు. అనంతరం మీడియాతో మాట్లాడారు.
అత్యంత వెనుకబడిన బుడగ జంగం, డక్కలి, మాంగ్ వంటి కులాలను అభివృద్ధి చెందిన పంబాల, మన్నె కులాలతో కలిపి ఒకశాతం రిజర్వేషన్ కేటాయించారని, దీంతో అత్యంత వెనకబడిన ఆ కులాలు మళ్లీ దోపిడీకి గురవుతాయన్నారు. మధ్యస్థ వెనుకబడిన కులాలను గ్రూప్ 2లో చేర్చి ఒకశాతం రిజర్వేషన్ కేటాయించారని చెప్పారు. సరైన సూత్రాలను ప్రామాణికంగా తీసుకుని మాదిగలకు న్యాయం చేయాలని మందకృష్ణ డిమాండ్ చేశారు.
