మద్యపానం ఆరోగ్యానికి హానికరం అని సినిమా థియేటర్లలో ప్రచారం చేస్తున్నప్పటికీ కొందరు ఇవేమీ పట్టించుకోకుండా మద్యం సేవించి వాహనాలు నడుపుతూ పోలీసులకు చిక్కుతున్నారు. అయితే ఆమధ్య మలయాళంలో రిలీజ్ అయిన మంజుమ్మెల్ బాయ్స్ సినిమాలో నటించిన మలయాళ ప్రముఖ నటుడు గణపతి మద్యం సేవించి హైవే పై ర్యాష్ డ్రైవింగ్ చేస్తూ పోలీసులకి చిక్కిన ఘటన ఆదివారం వెలుగు చూసింది.
పూర్తివివరాల్లోకి వెళితే ఆదివారం నటుడు గణపతి తన స్నేహితులతో కలసి పార్టీకి వెళ్ళాడు. పార్టీ అనంతరం కలమసేరి-అంగమాలి జాతీయ రహదారిపై స్పీడ్ గా కార్ నడుపుతూ పోలీసులు కంటపడ్డాడు. దీంతో పోలీసులు గణపతిని కారు ఆపమని చెప్పినప్పటికీ పోలీసులు సిగ్నల్స్ ఏమాత్రం పట్టించుకోకుండా తప్పించుకోవడానికి మరింత స్పీడ్ గా కారు నడిపాడు. దీంతో గణపతిపై అనుమానం కలగడంతో పోలీసులు ఛేజ్ చేసి కలమసేరి వద్ద గణపతిని పట్టుకున్నారు.
ALSO READ | Daaku Maharaj: అమరావతిలో డాకు మహారాజ్ ప్రీ రిలీజ్ ఈవెంట్!.. గెస్టులు ఎవరో తెలుసా?
ఈ క్రమంలో గణపతికి డ్రంక్ & డ్రైవ్ టెస్ట్ చెయ్యగా మద్యం సేవించినట్లు తేలింది. దీంతో గణపతిపై పోలీసులు పలు సెక్షన్ల క్రింద కేసు నమోదు చేశారు. ప్రస్తుతం నటుడు గణపతి బెయిల్ పై విడుదలయ్యాడు.
