అప్పట్లో టాలీవడ్ స్టార్ హీరో కింగ్ నాగార్జున హీరోగా నటించిన మన్మధుడు సినిమా ఇప్పటికీ ఆడియన్స్ కి బాగానే గుర్తుంటుంది. ఈ సినిమాలోని ఫ్లాష్ బ్యాక్ లో నటించిన హీరోయిన్ అన్షు అంబానీ ఇప్పటికీ చాలామంది క్రష్ లిస్ట్ లో ఉంటుంది. గుండెల్లో ఏముందో కళ్లల్లో తెలుస్తోంది అంటూ అన్షు పాడే లవ్ మెలోడీ సాంగ్ అప్పట్లో ఒక ఊపు ఊపేసింది. ఐతే ఏమైందో ఏమోగానీ ఈ సినిమా తర్వాత మళ్ళీ అన్షు అంబానీ తెలుగు సినిమాల్లో నటించలేదు.
అయితే మన్మధుడు తర్వాత అన్షు అంబానీ మళ్ళీ 23 ఏళ్ళకి హీరోయిన్ గా ఎంట్రీ ఇచ్చేందుకు రెడీ అవుతోంది. ఈ క్రమంలో తెలుగులో ప్రముఖ హీరో సందీప్ కిషన్ హీరోగా నటిస్తున్నమజాకా అనే సినిమాలో హీరోయిన్ గా ఆఫర్ దక్కించుకుంది. ఈ విషయాన్ని చిత్ర యూనిట్ సోషల్ మీడియాలో అఫీషియల్ గా అనౌన్స్ చేశారు. అంతేకాకుండా అన్షు ఈ సినిమాలో యశోద అనే పాత్రలో నటిస్తున్నట్లు తెలియజేస్తూ పోస్టర్ కూడా షేర్ చేశారు. దీంతో అన్షు ఫ్యాన్స్ ఫుల్ హ్యాపీ అవుతున్నారు. అలాగే దాదాపుగా 23 ఏళ్ళ తర్వాత తమ ఫెవరెట్ హీరోయిన్ మళ్ళీ రీఎంట్రీ ఇస్తుండటంతో హర్షం వ్యక్తం చేస్తున్నారు.
ALSO READ | ఆ స్టార్ డైరెక్టర్ కొడుకుతో సీక్రెట్ గా అనుష్కపెళ్లి.. అసలు నిజం ఏంటి?
ఈ విషయం ఇలా ఉండగా నటి అన్షు తెలుగులో ప్రభాస్ నటించిన రాఘవేంద్ర సినిమాలో ఫుల్ లెంగ్త్ హీరోయిన్ రోల్ లో నటించింది. ఆ తర్వాత యూకే కి చెందిన సచిన్ సాగర్ అనే బిజినెస్ మెన్ ని పెళ్లి చేసుకుని విదేశాల్లో సెటిల్ అయ్యింది. పెళ్లయిన తర్వాత సినిమాలకి పూర్తిగా గుడ్ బై చెప్పి కుటుంబ బాధ్యతలు చక్కబెట్టే పనిలో పడింది. ప్రస్తుతం అన్షు కి ఇద్దరు పిల్లలు కూడా ఉన్నారు. మొదటి ఇన్నింగ్స్ లో మంచి ఫ్యాన్ బేస్ ని క్రియేట్ చేసి అలరించిన అన్షు సెకెండ్ ఇన్నింగ్స్ లో ఏవిధంగా రాణిస్తుందో చూడాలి..
