న్యూఢిల్లీ : ప్రతిష్టాత్మక ధ్యాన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌చంద్‌ ఖేల్‌ రత్న అవార్డుల నామినేషన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో చోటు దక్కకపోవడంపై స్టార్‌ షూటర్‌ మను భాకర్‌ స్పందించింది. నామినేషన్‌ ప్రక్రియలో తన వైపు నుంచి కూడా ఏదైనా పొరపాటు జరిగి ఉండొచ్చని అంగీకరించింది. దానిని పరిష్కరించేందుకు ప్రయత్నిస్తున్నామని వెల్లడించింది. ‘ఒక అథ్లెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌గా దేశం కోసం ఆడటమే నా బాధ్యత. అవార్డులు కేవలం గుర్తింపునిస్తాయి. కానీ అవేమి నా లక్ష్యాలు కాదు’ అని మను ఎక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో పోస్ట్‌ చేసింది.
అవార్డు వచ్చినా రాకపోయినా దేశం తరఫున అత్యుత్తమంగా ఆడటమే తన లక్ష్యమని మను స్పష్టం చేసింది. ఇక నుంచైనా అవార్డుల గురించి ఊహాగానాలు చేయొద్దని రిక్వెస్ట్ చేసింది. మరోవైపు ఒకే ఒలింపిక్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో రెండు మెడల్స్‌ సాధించిన మను ఎవరో కమిటీకి తెలియదా?
అని ఆమె కోచ్‌ జస్పాల్‌ రాణా ప్రశ్నించారు. అయితే ఖేల్‌ రత్న అవార్డుల తుది జాబితా ఇంకా ఖరారు కాలేదని సెంట్రల్‌ స్పోర్ట్స్‌ మినిస్ట్రీ వర్గాలు వెల్లడించాయి. తుది జాబితాలో కచ్చితంగా మను పేరు ఉంటుందని తెలిపాయి.
