న్యూఢిల్లీ: కొత్త ఆర్డర్ల వేగం నెమ్మదించడంతో ఈ ఏడాది సెప్టెంబర్‌‌లో భారతదేశంలో తయారీ కార్యకలాపాలు ఐదు నెలల కనిష్టానికి పడిపోయాయి. ఉత్పత్తి వృద్ధి తగ్గిందని నెలవారీ సర్వే మంగళవారం తెలిపింది. కాలానుగుణంగా మారే ఎస్అండ్ పీ గ్లోబల్ ఇండియా మాన్యుఫాక్చరింగ్ పర్చేజింగ్ మేనేజర్స్ ఇండెక్స్ (పీఎంఐ) సెప్టెంబర్‌‌లో 57.5కి పడిపోయింది. ఇది ఆగస్టులో 58.6గా రికార్డయింది.
గత- ఐదు నెలల కనిష్ట స్థాయికి చేరుకుంది. పీఎంఐ 50 కంటే ఎక్కువ అంటే విస్తరణ అని అర్థం కాగా, 50 కంటే తక్కువ ఉంటే నెగెటివ్గా భావిస్తారు. భారత తయారీ పరిశ్రమ సెప్టెంబరులో మందగించిందని, కొత్త ఆర్డర్లు కొద్దిగా తగ్గాయని ఎస్ అండ్పీ గ్లోబల్ మార్కెట్ ఇంటెలిజెన్స్‌‌లో ఎకనామిక్స్ అసోసియేట్ డైరెక్టర్ పొలియానా డి లిమా అన్నారు.
అయినప్పటికీ, డిమాండ్, అవుట్‌‌పుట్ రెండూ గణనీయమైన వృద్ధిని సాధించాయని పేర్కొన్నారు. ఆసియా, యూరప్, ఉత్తర అమెరికా, మిడిల్ఈస్ట్ క్లయింట్ల నుండి కంపెనీలు బిజినెస్లను పెంచుకున్నాయని తెలిపారు.
