మానుకోట స్టేషన్కు కొత్తకళ

అమృత్ ఫండ్రూ.39.42 కోట్లతో కొనసాగుతున్న మానుకోట రైల్వేస్టేషన్ పనులు
ముమ్మరంగా మూడో రైల్వే లైన్నిర్మాణం
డబ్లింగ్పనుల నిర్వహణకు లైన్ క్లియర్

మహబూబాబాద్, వెలుగు: జిల్లా కేంద్రంలోని మానుకోట రైల్వే స్టేషన్అమృత్భారత్ పథకంలో భాగంగా రూ.39.42 కోట్లతో చేపడుతున్న పనులు స్పీడప్ అయ్యాయి. 2023లో ప్రారంభమైన ఈ పనులు తుది దశకు చేరుకుంటున్నాయి. ఒకటో నెంబర్ ఫ్లాట్ఫామ్వైపు పనులు వేగవంతం కాగా, వెయిటింగ్హాల్, షెడ్ల ఏర్పాటు, స్టేషన్ వెలుపల పనులు కొనసాగుతున్నాయి. పనులు పూర్తైతే మానుకోట రైల్వే స్టేషన్ రూపు రేఖలు పూర్తిగా మారనున్నాయి.

స్పీడందుకున్న మూడో రైల్వే లైన్ నిర్మాణ పనులు

ఖాజీపేట నుంచి మహబూబాబాద్మీదుగా విజయవాడ వైపు నూతనంగా ఎక్స్ప్రెస్ వే రైల్వే, మూడో లైన్ పనులు స్పీడందుకున్నాయి. మహబూబాబాద్ పట్టణంలో రెండో నెంబర్ ఫ్లాట్ఫామ్సమీపం నుంచి మూడో లైన్పనులు చేపడుతున్నారు. ఇటీవల దక్షిణ మధ్య రైల్వే సికింద్రాబాద్ డివిజనల్ రైల్వే మేనేజర్భర్తేష్కుమార్ జైన్ పనుల పురోగతిని పరిశీలించారు.

డబ్లింగ్పనుల నిర్వహణకు గ్రీన్ సిగ్నల్..

జిల్లాలోని డోర్నకల్నుంచి భద్రాచలం రోడ్ రైల్వేస్టేషన్ల మధ్య రైల్వే లైన్ డబ్లింగ్పనుల నిర్వహణకు డోర్నకల్, గార్ల మండలాల పరిధిలో భూ సేకరణకు 2024 జూలై12 న నోటిఫికేషన్ జారీ చేయగా, ఇటీవల పనుల నిర్వహణ ఖరారు అయ్యింది. ప్రస్తుతం ఈ మార్గంలో 54.43 కిలోమీటర్ల పొడవు సిగ్నల్ లైన్ఉంది. డబ్లింగ్ పనులు పూర్తైతే ఉమ్మడి వరంగల్, ఖమ్మం జిల్లాలకు ఎంతో ప్రయోజనకరంగా ఉంటుంది. పోచారం, కారేపల్లి, గాంధీపురంహల్ట్, చీమలపహడ్, తడికలపూడి, బేతంపూడి ఆరు స్టేషన్లలో సౌకర్యాలు పెరుగనున్నవి. ప్రస్తుతం సింగల్ లైన్పై మణుగూరు_ సికింద్రాబాద్ఎక్స్ప్రెస్, భద్రాచలం రోడ్, సికింద్రాబాద్కాకతీయ ఎక్స్ప్రెస్, సిర్పూర్ టూన్ భద్రాచలంరోడ్, సింగరేణి, విజయవాడ_ భద్రాచలం రోడ్ప్యాసింజర్ రైళ్లు నడుస్తున్నా సరిపోవడం లేదు.

సింగిల్ లైన్ కష్టాలు తీరితే డోర్నకల్స్టేషన్ మీదుగా సికింద్రాబాద్, విజయవాడ, బల్లర్షా వైపునకు మరిన్ని రైళ్లు నడిచే అవకాశం ఉంటుంది. వివిధ ప్రాంతాల నుంచి భద్రాచలం సీతారామ చంద్రస్వామి దర్శనానికి వచ్చే భక్తులకు మరింత అనువుగా మారనున్నది. డోర్నకల్_ భద్రాచలం డబ్లింగ్పనులకు రూ.770.12 కోట్లు అంచనా వేయగా 2023_24లోనే రైల్వే బడ్జెట్లో రూ.100 కోట్లను కేటాయించారు. నల్లగొండ జిల్లా దామెరచర్ల థర్మల్పవర్స్టేషన్కు కొత్తగూడెం, మణుగూరు ప్రాంతాల్లోని బొగ్గు గనుల నుంచి డోర్నకల్ రైల్వే జంక్షన్ నుంచి బొగ్గు రవాణా కానున్నది.