హైదరాబాద్ సిటీ, వెలుగు: జీహెచ్ఎంసీ హెడ్ ఆఫీసులో సోమవారం నిర్వహించిన ప్రజావాణికి 72 దరఖాస్తులు వచ్చాయి. వీటిని కమిషనర్ ఆమ్రపాలి స్వీకరించి సాధ్యమైనంత తొందరగా పరిష్కరించాలని అధికారులను అదేశించారు. ఇందులో టౌన్ ప్లానింగ్కు సంబంధించి 48, హౌసింగ్ 6, రెవెన్యూ 5, ఎఫ్ఏ 4, హెల్త్ 3, ఎస్టేట్ 2, ఎల్డబ్ల్యూఎస్, ఎలక్ట్రికల్,
సీఈ మెయింటెనెన్స్, వెటర్నరీ విభాగాలకు ఒకటి చొప్పున ఫిర్యాలు ఉన్నాయి. ఫోన్ ఇన్ ప్రోగ్రాం ద్వారా ఏడు, ఆరు జోన్లలో 92 అర్జీలు వచ్చాయి. కూకట్ పల్లి జోన్లో 54, ఎల్బీనగర్లో 14, సికింద్రాబాద్లో 11, శేరిలింగంపల్లిలో 9, చార్మినార్లో 3, ఖైరతాబాద్ లో ఒకటి చొప్పున వచ్చాయి. .
హైదరాబాద్ కలెక్టరేట్ లో నిర్వహించిన ప్రజావాణికి 147 ఫిర్యాదులు వచ్చాయని కలెక్టర్ అనుదీప్ తెలిపారు. ఇందులో గృహ నిర్మాణ శాఖకు సంబంధించి 91, పింఛన్లు 23, భూ సమస్యలు 8, గ్యాస్ సబ్సిడీ 3, ఇతర ఫిర్యాదులు22 ఉన్నట్లు పేర్కొన్నారు.
వికారాబాద్: రైతు రుణమాఫీ, భూ సమస్యల ఫిర్యాదులు అధికంగా వస్తున్న క్రమంలో మండల స్థాయిలోనే పరిష్కరించే దిశగా అధికారులు కృషి చేయాలని వికారాబాద్ కలెక్టర్ ప్రతీక్ జైన్ ఆదేశించారు. కలెక్టరేట్ హాల్లో నిర్వహించిన ప్రజావాణిలో ఆయన ప్రజల నుంచి179 ఫిర్యాదులను స్వీకరించారు.
