- స్త్రీ నిధి లోన్తోపాటు సబ్సిడీ
- మిగులు విద్యుత్ గ్రిడ్కు అనుసంధానం
- ఎప్పుడంటే అప్పుడు వాడుకోవచ్చు.. లేదా అమ్ముకోవచ్చు
మంచిర్యాల, వెలుగు: కరెంటు బిల్లులు రోజురోజుకు భారం కావడంతో చాలామంది వినియోగదారులు సోలార్పవర్ప్లాంట్ల ఏర్పాటుకు మొగ్గు చూపుతున్నారు. కానీ ఇది ఖర్చుతో కూడిన వ్యవహారం కావడంతో సామాన్యులు వెనుకంజ వేస్తున్నారు. దీంతో కేంద్ర, రాష్ట్ర ప్రభుత్వాలు సబ్సిడీలు ఇచ్చి సోలార్ఎనర్జీని ప్రోత్సహిస్తున్నాయి. సోలార్పవర్ప్లాంట్ఏర్పాటు చేసుకోవాలనుకునే స్వయం సహాయక సంఘాల సభ్యులకు స్ర్తీనిధి పరపతి సహకార సమాఖ్య లోన్లు ఇచ్చేందుకు ముందుకు వచ్చింది. దీని ద్వారా సొంతంగా సోలార్పవర్ను ఉత్పత్తి చేసుకొని కరెంటు ఖర్చును గణనీయంగా తగ్గించుకోవడమే కాకుండా పర్యావరణ పరిరక్షణకు తోడ్పడవచ్చు. నెట్ మీటరింగ్తో ఇంటి అవసరాలకు వినియోగించుకోగా మిగిలిన కరెంట్ను గ్రిడ్కు అనుసంధానం చేసి అవసరమైనప్పుడు వాడుకోవచ్చు. లేదంటే మిగులు విద్యుత్ను ప్రభుత్వం కొనుగోలు చేస్తుంది. ప్రస్తుతం యూనిట్కు రూ.4.30 చెల్లిస్తుండగా, ఈ రేట్లు ఎప్పటికప్పుడు మారే అవకాశం ఉంటుంది.
యూనిట్కాస్ట్.. సబ్సిడీ
2 కిలోవాట్ల యూనిట్కాస్ట్ రూ.1,42,200 కాగా స్ర్తీనిధి లోన్ రూ.లక్ష, కేంద్ర ప్రభుత్వ సబ్సిడీ రూ.39 వేలు, లబ్ధిదారు వాటా రూ.3 వేలు. 3 కిలోవాట్ల యూనిట్కు రూ. 1,92,360 కాగా లోన్ రూ.1.25 లక్షలు, సబ్సిడీ రూ.57,360, లబ్ధిదారు వాటా రూ.10వేలు భరించాలి. లోన్పై 11 శాతం వడ్డీ వసూలు చేస్తారు. నెలవాయిదా 2 కిలోవాట్లకు రూ.2,243, 3 కిలోవాట్లకు రూ.2,803 చొప్పున చెల్లించాల్సి ఉంటుంది. ఐదేండ్లలో లోన్ మొత్తం తీరిపోతుంది. సోలార్ ప్యానల్స్కు 25 సంవత్సరాల వారంటీ, సోలార్ యూనిట్కు 5 ఏండ్ల వారంటీ ఉంటుంది. ఇందులో ఇన్వర్టర్, డీసీ బాక్స్, ఏసీ బాక్స్, నెట్మీటర్, కేబుల్స్ఉంటాయి. వారంటీ గడువు ముగిసిన తర్వాత ఇన్వర్టర్ఫెయిల్అయితే సొంతంగా కొత్తది ఏర్పాటు చేసుకోవాల్సి వస్తుంది. అంతకుమించి ఎలాంటి నిర్వహణ ఖర్చులు ఉండవు. ఈ లెక్కన మిగతా 20 ఏండ్లు ఇంటికి అవసరమైన కరెంటును ఫ్రీగా వినియోగించుకోవడమే కాకుండా మిగులు విద్యుత్ను ప్రభుత్వానికి అందించి అదనపు ఆదాయం కూడా పొందవచ్చు.
జిల్లాలకు యూనిట్ల మంజూరు
స్ర్తీనిధి ద్వారా ఉమ్మడి ఆదిలాబాద్ జిల్లాలో సుమారు 1500 యూనిట్లు మంజూరయ్యాయి. మెదక్ జిల్లాలోని 10 మండలాల్లో 350 యూనిట్లు ఏర్పాటు చేయాలని ఆఫీసర్లు టార్గెట్గా పెట్టుకున్నారు. రాష్ట్రవ్యాప్తంగా అన్ని జిల్లాల్లోనూ యూనిట్ల ఏర్పాటుకు అవకాశం ఉంది. గృహావసరాలకు 2 నుంచి 3 కిలోవాట్ల సామర్థ్యం గల యూనిట్లు ఏర్పాటు చేసుకోవాలి. 2 కిలోవాట్ల యూనిట్ నుంచి రోజుకు 8 నుంచి 10 యూనిట్లు, 3 కిలోవాట్ల యూనిట్ నుంచి 12 నుంచి 15 యూనిట్ల కరెంట్ఉత్పత్తి అవుతుంది. సోలార్ప్యానల్ బిగించడానికి ఆర్సీసీ ఇంటికి సుమారు160 నుంచి 200 చదరపు అడుగుల స్థలం అవసరం. నెలవారీగా వినియోగించుకునే యూనిట్ల ఆధారంగా 2 లేదా 3 కిలోవాట్ల యూనిట్ను విద్యుత్ సంస్థ పర్మిషన్తో టీఎస్రెడ్కో ద్వారా ఏర్పాటు చేసుకోవాలి. టీఎస్ రెడ్కో వద్ద రిజిస్టర్ అయిన వెండర్లు కేంద్ర ప్రభుత్వ మినిస్ట్రీ ఆఫ్ న్యూ అండ్రెన్యువబుల్ ఎనర్జీ ఆమోదించిన మోడల్స్ ప్రకారం యూనిట్లను ఏర్పాటు చేస్తారు. tsredco.telangana.gov.in వెబ్సైట్లో లాగిన్ అయ్యి వెండర్లను ఎంపిక చేసుకోవచ్చు.
