సికింద్రాబాద్, వెలుగు : ఒడిశాలోని బహనాగా బజార్స్టేషన్పరిధిలో జరుగుతున్న రైల్వే ట్రాక్ రిపేర్ పనుల కారణంగా శనివారం(జూన్ 24) పలు రైళ్లను రద్దుచేశారు. షాలీమార్ – హైదరాబాద్, -షాలీమార్ – హౌరా, -తిరుపతి–హౌరా, హౌరా– ఎర్నాకులం, మంగుళూరు సెంట్రల్– సంత్రాగచ్చి స్టేషన్ల మధ్య నడిచే ఎక్స్ప్రెస్ రైళ్లు రద్దు అయ్యాయి. మైసూరు– హౌరా, ఎంజీఆర్చెన్సై సెంట్రల్– సంత్రా గచ్చి స్టేషన్ల మధ్య ఎక్స్ప్రెస్ రైళ్లను ఈ నెల 25 వరకు రద్దు చేసినట్లు అధికారులు తెలిపారు. కాగా.. ప్రయాణీకుల రద్దీ దృష్ట్యా దక్షిణ మధ్య పరిధిలో వివిధ స్టేషన్ల మధ్య నడుస్తున్న స్పెషల్ రైళ్ల గడువును అధికారులు పొడిగించారు.
ఎల్టీటీ ముంబై– షోలాపూర్మధ్య నడిచే స్పెషల్ ట్రైన్ను జులై 5 నుంచి 26 వరకు, షోలాపూర్– తిరుపతిమధ్య నడిచే స్పెషల్రైలును జులై 6 నుంచి 27 వరకు, తిరుపతి – షోలాపూర్, పుణె– అమరావతి స్పెషల్ రైలును జులై 7 నుంచి 30 వరకు, అమరావతి–పుణె మధ్య నడిచే స్పెషల్రైలును జులై 8 నుంచి 31 వరకు అధికారులు పొడిగించారు.
