భద్రాచలం, వెలుగు : చత్తీస్గఢ్ రాష్ట్రంలోని సుక్మా జిల్లాలో బుధవారం మావోయిస్టుల ఆయుధాల డంప్ దొరికింది. డీఆర్జీ, బస్తర్ఫైటర్స్ ఆధ్వర్యంలో బలగాలు మావోయిస్టుల ఆపరేషన్ కోసం బయలుదేరాయి. దంతేశ్పురి-కోరాజ్ పాడు గ్రామ అడవుల్లో బలగాలను చూసిన మావోయిస్టులు పారిపోయారు. అక్కడికి వెళ్లి చూడగా మావోయిస్టుల డంప్ కనిపించింది.
అందులో రెండు బీజీఎల్, రెండు 12 బోల్ట్ తుపాకులు, బుల్లెట్లు, 16 మినీ రాకెట్లాంఛర్లు, మందుగుండు సామగ్రి ఉందని సుక్మా ఎస్పీ కిరణ్చౌహాన్ తెలిపారు. మావోయిస్టుల కోసం గాలిస్తున్నట్టు తెలిపారు.
