భద్రాద్రికొత్తగూడెం, వెలుగు : మావోయిస్టు పార్టీ అనుబంధ సంఘమైన క్రాంతికారి ఆదివాసీ మహిళా సంఘం సౌత్ బస్తర్ డివిజనల్ కమిటీకి చెందిన మడవి మంగ్లీ పోలీసుల ఎదుట లొంగిపోయారని భద్రాద్రికొత్తగూడెం ఎస్పీ బి.రోహిత్ రాజు తెలిపారు. 2003 నుంచి మావోయిస్టు పార్టీలో పలు బాధ్యతలు చేపట్టినట్లు చెప్పారు. ఏసీఎం, ప్లాటూన్లలో మంగ్లీ పని చేశారన్నారు. 2007,2009లో కుంట పోలీస్స్టేషన్ పరిధిలో భద్రతా బలగాలపై జరిగిన దాడుల్లో మంగ్లీ పాల్గొన్నారని చెప్పారు. ఆదివాసీలతో మావోయిస్టులకు సంబంధాలు లేవన్నారు. మావోయిస్టులు ఇప్పటికైనా జనజీవన స్రవంతిలోకి రావాలని పిలుపునిచ్చారు. అనంతరం లొంగిపోయిన మావోయిస్టుకు నగదు ప్రోత్సాహకాన్ని అందజేశారు.
