ఖిలా వరంగల్( కరీమాబాద్ ), వెలుగు : సీపీఐ మావోయిస్టు పార్టీ 20వ వార్షికోత్సవాన్ని తెలంగాణలో సమరోత్సా హం పేరుతో నిర్వహించాలని అధికార ప్రతినిధి జగన్తెలిపారు. గురువారం ఆయన ఒక లేఖను విడుదల చేసి మీడియాకు పం పించారు. మావోయిస్టు పార్టీ ఏర్పాటై ఈనెల 21 నాటికి 20 ఏండ్లు పూర్తవుతాయని.. ఈ రెండు దశాబ్దాల కాలంలో ఎన్నో కష్ట నష్టాలను ఎదుర్కొంటూ తెలంగాణలో పీడిత ప్రజల కోసం పార్టీ పని చేసిందని పేర్కొన్నారు.
మావోయిస్టు పార్టీని నిర్మూలించే లక్ష్యంతో కేంద్ర, రాష్ట్ర ప్రభుత్వాలు చేపట్టిన ఆపరేషన్ కగార్ పై ఎదురొడ్డి పోరాడుతున్నామన్నారు. ‘ పీఎల్జీఏ, విప్లవ ప్రజానీకం ఐక్యమై ప్రజాయుద్దానికి బలమైన ప్రజా పునాదిని వేద్దాం.. పార్టీని, విప్లవోద్యమాన్ని కాపాడుకుందాం’ అని ఆయన లేఖలో వెల్లడించారు.
