ఛత్తీస్గఢ్లో మావోయిస్టులు రెచ్చిపోయారు. ఇటీవల భద్రతా దళాల చేతిలో ఎదురవుతోన్న వరుస ఎదురు దెబ్బలకు ప్రతీకారం తీర్చుకునే ప్రయ్నతం చేశారు. ఇందులో భాగంగానే ఆదివారం (మార్చి 23) ఎస్టీఎఫ్ జవాన్లు ప్రయాణిస్తోన్న వాహనంపై మెరుపు దాడి చేశారు. మద్దేడి పోలీస్ స్టేషన్ పరిధిలో భద్రతా సిబ్బంది వెళ్తోన్న వాహనాన్ని లక్ష్యంగా చేసుకుని ఐఈడీ బాంబ్ పేల్చారు. ఐఈడీ పేలుడులో ఇద్దరు ఎస్టీఎఫ్ జవాన్లు గాయపడ్డారు. వెంటనే అప్రమత్తమైన భద్రతా సిబ్బంది గాయపడ్డ జవాన్లు ఆసుపత్రికి తరలించారు. ఘటన స్థలంలో భద్రతా బలగాలు వెంటనే కూంబింగ్ ఆపరేషన్ చేపట్టాయి. ఈ క్రమంలో తారసపడ్డ మావోయిస్టులు, భద్రతా దళాలకు మధ్య భీకర ఎదురు కాల్పులు జరిగాయి.
ALSO READ | IIT Guwahati: దేశ సరిహద్దు్లలో AI రోబోలతో నిఘా
ప్రాణ నష్టానికి సంబంధించిన వివరాలను అధికారులు వెల్లడించలేదు. కాగా, ఇటీవల ఛత్తీస్గఢ్లో భారీ ఎన్ కౌంటర్ జరిగిన విషయం తెలిసిందే, బీజాపూర్, కాంకేర్ జిల్లాల్లో భద్రతా దళాలు, మావోయిస్టులకు మధ్య భీకర ఎదురుకాల్పులు జరిగాయి. ఈ రెండు వేర్వేరు ఎన్ కౌంటర్లలో 30 మంది మావోయిస్టులు హతమయ్యారు. నక్సలైట్ల ఎదురు కాల్పుల్లో ఓ డీఆర్జీ జవాన్ సైతం మరణించాడు. బీజాపూర్‌లో 26 మంది, కాంకేర్‌లో నలుగురు నక్సలైట్లు మరణించినట్టు అధికారులు తెలిపారు. ఈ ఎన్ కౌంటర్లకు ప్రతీకారంగానే మావోయిస్టులు తాజా దాడి జరిపినట్లు తెలుస్తోంది.
