భద్రాచలం, వెలుగు : అసెంబ్లీ ఎన్నికల వేళ భద్రాచలం ఏజెన్సీలో మంగళవారం రాత్రి మావోయిస్టులు రెచ్చిపోయారు. ధాన్యంతో వస్తున్న లారీని తగులబెట్టి పోలీసులకు సవాల్ విసిరారు. చర్ల మండలం వద్దిపేటలో ఏపీ రిజిస్ట్రేషన్ నంబరు గల లారీలో ధాన్యం లోడ్ చేశారు.
ఈ లారీ వద్దిపేట నుంచి చర్ల వస్తుండగా మావోయిస్టులు దారి కాచి ధాన్యాన్ని కిందకు దించి నిప్పు అంటించారు. దీంతో పోలీసులు అప్రమత్తం అయ్యారు. ఘటనపై ఆరా తీస్తున్నారు. కాగా, రాష్ట్రంలో ఎన్నికలను బహిష్కరించాలని మావోయిస్టులు ఇప్పటికే పిలుపునిచ్చారు.
