ఖమ్మం టౌన్, వెలుగు : ఖమ్మం జిల్లా ఫొటో, వీడియో గ్రాఫర్అసోసియేషన్ అధ్యక్షుడిగా మారగని వెంకట్ గెలుపొందారు. మంగళవారం ఖమ్మం నగరంలోని భక్తరామదాసు కళాక్షేత్రంలో అసోసియేషన్ ఎన్నికలు ఉత్కంఠ భరితంగా సాగాయి. జిల్లా వ్యాప్తంగా 1,876 మంది ఓటర్లు ఉండగా,1,408 మంది తమ ఓటు హక్కును వినియోగించుకున్నారు. ఎన్నికలో మరగాని వెంకట్ ప్యానల్ 254 ఓట్ల మెజార్టీతో గెలుపొందింది. అధ్యక్షుడిగా మారగని వెంకట్, ప్రధాన కార్యదర్శిగా పిన్నం కనకరావు, కోశాధికారిగా నీరుడు తిరుపతి రావు గెలుపొందారు.
ఈసందర్భంగా వెంకట్ మాట్లాడుతూ ఫొటోగ్రఫీ సంక్షేమ అభివృద్ధికి, ఫొటో భవన్ నిర్మాణానికి కృషి చేస్తానని తెలిపారు. తనపై నమ్మకంతో అధ్యక్షుడిగా ఓటు వేసి గెలిపించిన ప్రతి ఒక్కరికీ ధన్యవాదాలు తెలిపారు. ఈ కార్యక్రమంలో అసోసియేషన్ మాజీ జిల్లా అధ్యక్షుడు నాగరాజు దేవర, నాయకులు కమటం రఘు, సీఎంసీ శ్రీనివాస్, లాస్య అంజి, అరుణ్, షేక్.బాబా, మేఘన శ్రీనివాస్ తదితరులు పాల్గొన్నారు.
