- మార్గదర్శి చిట్స్ ఎండీ శైలజా కిరణ్
హైదరాబాద్, వెలుగు: దక్షిణాది రాష్ట్రాల్లో మార్కెట్ లీడర్ అయిన మార్గదర్శి చిట్ఫండ్స్ ప్రస్తుత ఆర్థిక సంవత్సరానికి రూ.12 వేల కోట్ల టర్నోవర్ను టార్గెట్గా పెట్టుకుంది. తెలుగు రాష్ట్రాల్లో మరిన్ని బ్రాంచ్లను ఏర్పాటు చేయాలని నిర్ణయించుకుంది. సంస్థకు 60 ఏళ్లు నిండిన సందర్భంగా హైదరాబాద్లో శుక్రవారం నిర్వహించిన మీడియా సమావేశంలో సంస్థ ఎండీ శైలజా కిరణ్ మాట్లాడారు. ‘‘మేం తెలుగు రాష్ట్రాలతోపాటు కర్నాటక, తమిళనాడులో కార్యకలాపాలు నిర్వహిస్తున్నాం.
సబ్స్క్రయిబర్ల సంఖ్య 60 లక్షలకు చేరింది. సంస్థలో 4,300 మంది ఎంప్లాయీస్ ఉన్నారు. 108 బ్రాంచ్లు, 6,217 చిట్గ్రూప్స్ ఉన్నాయి. ప్రస్తుతం బిజినెస్ చేస్తున్న ప్రాంతాల్లో బ్రాంచ్ నెట్వర్క్ను ఇంకా పటిష్టం చేస్తాం కానీ మరిన్ని రాష్ట్రాలకు వెళ్లే ఆలోచన లేదు. నెలకు రూ.650 కోట్ల విలువైన అమౌంట్ బిడ్డర్లకు ఇస్తున్నాం. మాది అప్పులు లేని కంపెనీ. మా రికవరీ రేటు 99 శాతం వరకు ఉంది. చిట్ఆక్షన్, డబ్బు చెల్లించే విషయంలో కఠినమైన రూల్స్పాటిస్తున్నాం. అందుకే సబ్స్క్రయిబర్లకు మాపై ఎంతో నమ్మకం. కస్టమర్కు వైద్యపరమైన ఎమర్జెన్సీ ఉంటే మూడు రోజుల్లోనే డబ్బు ఇస్తున్నాం. 60వ వార్షికోత్సవాలను ఘనంగా నిర్వహిస్తున్నాం. ఉద్యోగులకు నెల జీతం బోనస్గా చెల్లిస్తున్నాం.సబ్స్క్రయిబర్లకు కూడా బహుమతులు ఇస్తున్నాం. చిట్ఫండ్ సర్వీసులపై జీఎస్టీని 12 శాతం నుంచి 18 శాతానికి పెంచడం బాధాకరం”అని ఆమె వివరించారు.
