రెండు రోజుల్లో పెళ్లి పీటలు ఎక్కబోతున్న వరుడ్ని రోడ్డు ప్రమాదం కబళించింది. ఈ ప్రమాదంలో వరుడు అక్కడికక్కడే మృతి చెందాడు. ఈ విషాద ఘటన వరంగల్లో జరిగింది. పోలీసుల వివరాల ప్రకారం.. నగరంలోని రామన్నపేటకు చెందిన దేవరకొండ సాగర్చారి(28) తన పెళ్లి పనుల నిమిత్తం బయటకు వెళ్లాడు.
నగరంలోని నిర్మల మాల్ వద్ద బైక్పై రోడ్డు క్రాస్ చేస్తుండగా, వేగంగా వచ్చిన మరో బైక్ అతడ్ని ఢీ కొట్టింది. ఈ ప్రమాదంలో తీవ్ర గాయాలైన సాగర్ అక్కడికక్కడే మృతి చెందాడు. మరో రెండు రోజుల్లో పెళ్లితో కళకళలాడాల్సిన ఇంట్లో సాగర్ మరణంతో విషాద ఛాయలు అలుముకున్నాయి. చేతికందివచ్చిన కుమారుడు దూరం కావడంతో కుటుంబ సభ్యుల రోదన అరణ్యవేదనగా మారింది.
