న్యూఢిల్లీ: ఆటోమొబైల్కంపెనీ మారుతీ సుజుకీ ఇండియా 2024లో తొలిసారిగా ఒక క్యాలెండర్ ఇయర్‌‌లో 20 లక్షల ఉత్పత్తి మార్కును అధిగమించినట్లు తెలిపింది. కంపెనీ మనేసర్ ఆధారిత తయారీ కేంద్రం వద్ద ఉత్పత్తి లైన్ నుంచి 20 లక్షలవ యూనిట్ను మంగళవారం విడుదల చేసింది. 20 లక్షల వాహనాల్లో దాదాపు 60 శాతం హర్యానాలో, 40 శాతం గుజరాత్‌‌లో తయారయ్యాయని మారుతీ సుజుకీ ఇండియా (ఎంఎస్ఐ) తెలిపింది.
బాలెనో, ఫ్రాంక్స్, ఎర్టిగా, వ్యాగన్ఆర్, బ్రెజ్జా 2024లో కంపెనీ తయారు చేసిన టాప్–5 వాహనాలు. ఈ విజయం ఆర్థిక వృద్ధిని నడపడానికి, దేశ నిర్మాణానికి కీలకమని ఎంఎస్ఐ మేనేజింగ్ డైరెక్టర్ హిసాషి టేకుచి అన్నారు. కంపెనీ హర్యానాలో రెండు (గుర్గావ్ మనేసర్), గుజరాత్ (హంసల్‌‌పూర్)లో ప్లాంటును నడుపుతోంది. వీటిలో ఏటా 23.5 లక్షల యూనిట్లను తయారు చేయవచ్చు.
