- పట్టుబడిన మహిళా అభ్యర్థి
- ఇబ్రహీంపట్నం సీవీఆర్ ఇంజినీరింగ్ కాలేజీలో ఘటన
ఇబ్రహీంపట్నం, వెలుగు: గ్రూప్1 మెయిన్స్ పరీక్షలో ఓ మహిళా అభ్యర్థి కాపీయింగ్కు పాల్పడింది. రంగారెడ్డి జిల్లా ఇబ్రహీంపట్నంలోని సీవీఆర్ ఇంజినీరింగ్ కాలేజీలో 5వ రోజు ఎకానమీ అండ్ డెవలప్మెంట్ ఎగ్జామ్ జరిగింది. ఈ సెంటర్లో 787 మందికి 447 మంది శుక్రవారం పరీక్షకు హాజరయ్యారు. కాలేజీ పీజీ బ్లాక్ రూం నెంబర్ 210లో వనపర్తి జిల్లాకు చెందిన మహిళా అభ్యర్థి తన చీర కొంగులో ఉన్న స్లిప్ తీసి పాయింట్స్ నోట్చేసుకోవడాన్ని ఇన్విజిలేటర్గమనించారు. అనంతరం ఎగ్జామ్ సెంటర్ ఇన్ చార్జికి సమాచారం అందించగా, ఆమె వద్ద మరో రెండు స్లిప్లు దొరికాయి. దీంతో ఆమె వద్ద ఉన్న ప్రశ్నా, జవాబు పత్రాలు, హాల్ టికెట్, స్లిపులను స్వాధీనం చేసుకొని టీజీపీఎస్సీ ఉన్నతాధికారులకు సమాచారం అందించారు.
ఈ ఘటనపై తొలుత ఫిర్యాదు చేయడానికి వెనుకాడిన యంత్రాంగం ఎట్టకేలకు రాత్రి ఇబ్రహీంపట్నం పోలీస్ స్టేషన్లో ఫిర్యాదు చేయగా, కేసు నమోదు చేసినట్లు సీఐ సత్యనారాయణ తెలిపారు. అయితే, కాపీయింగ్కు పాల్పడిన అభ్యర్థిని (హాల్ టిక్కెట్ నంబర్ 240921569)ని పరీక్ష రాయడానికి అనుమతించలేదని తెలంగాణ పబ్లిక్ సర్వీస్ కమిషన్ తెలిపింది. ఆమె వద్ద దొరికిన సమాచారం ఏ ప్రశ్నకూ సంబంధం లేదని వివరణ ఇచ్చింది.
