మాస్ మహారాజా రవితేజ, డైరెక్టర్ త్రినాథరావు కాంబినేషన్ లో వచ్చిన మాస్, యాక్షన్ కమర్షియల్ ఎంటర్‌ టైనర్ సినిమా ‘ధమాకా’. రవితేజ సరసన శ్రీలీల హీరోయిన్ గా నటించింది. ఈ సినిమా‘కు టీజీ విశ్వప్రసాద్ నిర్మాత. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ పతాకాలపై రూపొందిన ఈ సినిమాకు వివేక్ కూచిభొట్ల సహ నిర్మాత. గత ఏడాది డిసెంబర్ 23న ప్రేక్షకుల ముందుకు వచ్చిన 'ధమాకా' మూవీ అన్ని వర్గాల ప్రేక్షకులను అలరించి.. బ్లాక్ బస్టర్ విజయాన్ని సాధించింది. ఈ నేపథ్యంలో చిత్ర యూనిట్ ‘ధమాకా 101 CR’ మాసివ్ సెలబ్రేషన్స్ గ్రాండ్ గా నిర్వహించారు. ఈ వేడుకలో మేకర్స్, మీడియా ప్రతినిధుల చేతుల మీదగా చిత్ర యూనిట్ కు మెమెంటోలను ప్రదానం చేశారు.
అనంతరం హీరో రవితేజ మాట్లాడుతూ..‘చాలా అనందంగా ఉంది. దర్శకుడు త్రినాథరావు, రచయిత ప్రసన్నకు అభినందనలు. శ్రీలీలకు కంగ్రాట్స్. ఇలాంటి కంగ్రాట్స్ ఇంకా వింటూనే ఉండాలి. పీపుల్ మీడియా ఫ్యాక్టరీ విశ్వప్రసాద్, వివేక్ కూచిభొట్లకు బిగ్ కంగ్రాట్స్. ఎక్కడా రాజీ పడకుండా సినిమా చేశారు. ఆయన చాలా పాజిటివ్ గా ఉంటారు. వారు నెక్స్ట్ లెవల్ వెళ్తున్నారు. మీడియాతో మెమెంటోలు ఇవ్వడం చాలా బాగుంది. మీడియాకు కృతజ్ఞతలు. వంశీ శేఖర్ కు థాంక్స్. అందరికీ పేరుపేరునా కృతజ్ఞతలు’ అని రవితేజ తెలిపారు.
శ్రీలీల మాట్లాడుతూ.. ‘రవితేజ నాకు బిగ్ బ్లాక్ బస్టర్ ఇచ్చారు. నా కెరీర్ ప్రారంభంలో రవితేజతో పని చేసే అవకాశం రావడం, సినిమా ఇంత పెద్ద సక్సెస్ కావడం చాలా ఆనందంగా ఉంది. రవితేజ నాలో చాలా ఆత్మవిశ్వాసం నింపారు. ధమాకా మూవీని హిట్ చేసిన ప్రేక్షకులందరికీ కృతజ్ఞతలు’అని శ్రీలీల తెలిపారు.
డైరెక్టర్ త్రినాథరావు మాట్లాడుతూ.. ధమాకా’ సినిమా కథకు ఓంకారం చుట్టిన ప్రసన్నకు ముందుగా కృతజ్ఞతలు. మరో రచయిత సాయి కృష్ణకి కృతజ్ఞతలు. ఈ కథని మొదట విని ఓకే చేసిన వివేక్ కు కృతజ్ఞతలు. రవితేజ దగ్గరికి వెళ్లాం. ఆయన ఈ సినిమాకి శ్రీకారం చుట్టారు. తర్వాత శ్రీలీల ప్రాజెక్ట్ లోకి వచ్చారు. చాలా అద్భుతంగా చేశారు. బీమ్స్ పాటలతో ‘ధమాకా’కి ఒక వేవ్ తీసుకొచ్చారు. ఆల్బమ్ ఇరగదీశారు. కెమెరామెన్ కార్తీక్ ఘట్టమనేని అద్భుతమైన విజువల్స్ ఇచ్చారు. ఆర్ట్ డైరెక్టర్ నాగేంద్ర కూడా అద్భుతమైన సెట్స్ వేశారు. రామ్, లక్ష్మణ్ మాస్టర్స్, వెంకట్ మాస్టర్ అద్భుతమైన యాక్షన్ డిజైన్ చేశారు. శేఖర్, యష్, జానీ మాస్టర్లు మాస్ ని మెస్మరైజ్ చేసే కొరియోగ్రఫీ అందించారు. జయరాం, రావు రామేష్, ఆది, కుమరన్, ప్రవీణ్, సచిన్, తనికెళ్ళ భరణి అందరూ అద్భుతంగా చేశారు. రావు రామేష్, ఆది ట్రాక్ కి అద్భుతమైన రెస్పాన్స్ వచ్చింది. ప్రొడక్షన్ టీమ్ సభ్యులందరికీ కృతజ్ఞతలు. మేకప్, కాస్ట్యుమ్స్.. మిగతా టీమ్స్ అందరికీ కృతజ్ఞతలు. కాసర్ల శ్యామ్, రామజోగయ్య శాస్త్రీ అద్భుతమైన లిరిక్స్ రాశారు. మంగ్లీ అద్భుతంగా పాట పాడటంతో పాటు రవితేజ ఎలివేషన్ మ్యూజిక్ లో ఆమె వాయిస్ మెస్మరైజ్ చేసింది. సింగర్స్ అందరూ పాటలు అద్భుతంగా పాడారు. నిర్మాతలు టీజీ విశ్వప్రసాద్ ధైర్యానికి మెచ్చుకోవాలి. సినిమాను అద్భుతంగా నిర్మించడంతో పాటు భారీ ప్రమోషన్స్ చేశారు. ఎక్కడ చూసినా ధమాకా సినిమా గురించే చర్చ. విశ్వప్రసాద్, వివేక్ కి కృతజ్ఞతలు. పీపుల్ మీడియా స్టాప్ కు కృతజ్ఞతలు. మా పీఆర్వో లు వంశీ శేఖర్ అద్భుతంగా ప్రమోషన్స్ చేశారు. ధమాకా విజయానికి వాళ్ళు కూడా ఒక కారణం. మా డైరెక్షన్ డిపార్ట్ మెంట్ వాళ్లు చాలా హార్డ్ వర్క్ చేశారు. అందరికీ పేరుపేరునా ధన్యవాదాలు. రవితేజ నాకు చాలా గొప్ప ఫ్లాట్ ఫామ్ ఇచ్చారు. అందరినీ హ్యాండిల్ చేస్తూ ఈ సినిమాని ఇక్కడి వరకూ తీసుకొచ్చాం. ఈ సక్సెస్ వచ్చినందుకు చాలా ఆనందంగా ఉంది. ఈ సక్సెస్ కి శ్రీకారం చుట్టిన మా బాస్ రవితేజ కి అభిమానిగా నమస్కారం చేస్తున్నాను’ అని డైరెక్టర్ త్రినాథరావు అన్నారు.
నిర్మాత వివేక్ మాట్లాడుతూ.. ధమాకా మూవీ ఇంత పెద్ద విజయం సాధించినందుకు చాలా అనందంగా ఉంది’ అని చెప్పారు.
ప్రసన్న మాట్లాడుతూ.. ‘ఎప్పుడో మొదలైన ఒక ఆలోచన ఈ రోజు వందకోట్ల షీల్డ్ వరకూ వచ్చిందంటే ఒక రచయితగా చాలా ఆనందంగా ఉంది. రవితేజ మమ్మల్ని మరో స్థాయిలోకి తీసుకెళ్ళారు. ఈ సినిమాతో సెటిల్ అయిపోయాననే ఫీలింగ్ వచ్చింది. రవితేజ అభిమానులు చూపిన ప్రేమను మర్చిపోలేను. ఈ సినిమాకు పని చేసిన, నటించిన అందరికీ కృతజ్ఞతలు. దర్శకుడు త్రినాథరావు మాస్ పల్స్ ఈ సినిమాని ఇంతగొప్పగా తీయడానికి కారణం. ఈ సినిమాతో మరోసారి ఆయనతో పని చేసే అవకాశం ఇచ్చినందుకు కృతజ్ఞతలు’ అని తెలిపారు.
ఈ కార్యక్రమంలో బీమ్స్ సిసిరిలియో, ప్రవీణ్ పూడి, నాగేంద్ర, ప్రవీణ్ , కాసర్ల శ్యామ్ పాల్గొన్నారు.
