కోరుట్ల, వెలుగు : జగిత్యాల జిల్లా కోరుట్లకు చెందిన వ్యక్తి దగ్గర సైబర్ క్రిమినల్స్ రూ.4 కోట్ల 25 లక్షలు కాజేశారు. పోలీసులు ఎన్నికల డ్యూటీలో ఉండడంతో పూర్తి వివరాలు చెప్పలేదు. కోరుట్లకు చెందిన మెకానికల్ ఇంజినీర్ రిటైర్డ్ అయి తిరుపతిలో ఉంటున్నాడు. కొద్ది రోజుల కింద ఓ వ్యక్తి ఫోన్ చేసి తాను మహారాష్ట్రకు చెందిన ఐపీఎస్ఆఫీసర్అని చెప్పాడు. ‘మీరు అక్రమంగా డబ్బులు సంపాదించారని ఫిర్యాదులు వచ్చాయి.
మీపై సీబీఐ ఎంక్వైరీ మొదలైంది. మీ బ్యాంకు అకౌంట్, ఇతర వివరాలు చెప్పండి’ అని అడగడంతో ఆధార్ కార్డు , పాన్కార్డుతో పాటు డిటెయిల్స్ ఇచ్చాడు. తర్వాత అతడి అకౌంట్ నుంచి దశల వారీగా రూ. 4 కోట్ల 25 లక్షల క్యాష్మాయమైంది. దీంతో తాను మోసపోయానని గ్రహించిన అతడు 2 రోజుల క్రితం కోరుట్ల పోలీస్ స్టేషన్ కు వచ్చి ఫిర్యాదు చేశాడు. ఎస్సై కిరణ్కుమార్ మాట్లాడుతూ కేసు నమోదు చేసి దర్యాప్తు చేస్తున్నామన్నారు.
