సౌతాఫ్రికా యువ బ్యాటర్ మాథ్యూ బ్రీట్జ్కే అరంగేట్ర వన్డేను ఘనంగా చాటుకున్నాడు. ఆడుతున్న తొలి వన్దే మ్యాచ్ లోనే పటిష్టమైన న్యూజిలాండ్ బౌలింగ్ ను అలవోకగా ఆడేస్తూ భారీ సెంచరీతో విరుచుకుపడ్డాడు. పాకిస్తాన్ లో ట్రై-సిరీస్‌లో భాగంగా సోమవారం (ఫిబ్రవరి 10) న్యూజిలాండ్‌తో జరుగుతున్న మ్యాచ్ లో బ్రీట్జ్కే ఈ ఘనతను అందుకున్నాడు. లాహోర్‌లోని గడాఫీ స్టేడియంలో జరుగుతున్న ఈ మ్యాచ్ లో 11 ఫోర్లు, 5 సిక్సర్లతో 148 బంతుల్లో 150 పరుగులు చేసి ఏకంగా ప్రపంచ రికార్డును నెలకొల్పాడు. ఇన్నింగ్స్‌ 41వ ఓవర్‌లో 128 బంతుల్లో ఈ 26 ఏళ్ల సఫారీ బ్యాటర్ ఈ మైలురాయిని అందుకున్నాడు.
ఆడుతున్న తొలి వన్డే మ్యాచ్ లోనే 150 పరుగులు చేసిన తొలి క్రికెటర్ గా నిలిచాడు. గతంలో ఈ రికార్డ్ వెస్టిండీస్ కు చెందిన హేన్స్ పేరిట ఉంది. ఈ వెస్టిండీస్ క్రికెటర్ అరంగేట్ర వన్డేలో 148 పరుగులు చేసి నిన్నటివరకు టాప్ లో ఉన్నాడు. అంతేకాదు డెబ్యూ వన్డేలోనే సెంచరీ బాదిన నాలుగో సౌతాఫ్రికా క్రికెటర్ గా బ్రీట్జ్కే చరిత్ర సృష్టించాడు. కొలిన్ ఇంగ్రామ్, టెంబా బావుమా, రీజా హెండ్రిక్స్ ఈ లిస్టులో బ్రీట్జ్కే కంటే ముందున్నారు.
Also Read :- ఛాంపియన్స్ ట్రోఫీకి ఇంగ్లాండ్ యువ ఆల్ రౌండర్ దూరం
బ్రీట్జ్కే సెంచరీతో సౌతాఫ్రికా భారీ స్కోర్ చేసింది. మొదట బ్యాటింగ్ చేసిన సౌతాఫ్రికా నిర్ణీత 50 ఓవర్లలో 6 వికెట్ల నష్టానికి 306 పరుగులు చేసింది. బ్రీట్జ్కే 11 ఫోర్లు, 5 సిక్సర్లతో 148 బంతుల్లో 150 పరుగులు చేసి టాప్ స్కోరర్ గా నిలిచాడు. జాసన్ స్మిత్ (41) తో కలిసి రెండో వికెట్ కు 93 పరుగుల భాగస్వామ్యంతో 68 బంతుల్లో అర్ధ సెంచరీ సాధించాడు. ఆ తర్వాత మల్డర్ (64) తో కలిసి 131 పరుగుల భాగస్వామ్యాన్ని నెలకొల్పాడు. కివీస్ బౌలర్లలో హెన్రీ, విలియం ఓరూర్కే తలో రెండు వికెట్లు పడగొట్టారు. బ్రేస్ వెల్ కు ఒక వికెట్ దక్కింది.
🚨 MATTHEW BREETZKE - 1ST PLAYER TO SCORE 150 ON ODI DEBUT. 🚨 pic.twitter.com/UYDzrj1IQN
— Mufaddal Vohra (@mufaddal_vohra) February 10, 2025
