కాశీబుగ్గ(కార్పొరేషన్), వెలుగు: గ్రేటర్ వరంగల్ మున్సిపల్ కార్పొరేషన్ పరిధిలోని అండర్ గ్రౌండ్ డ్రైనేజీ పనులను స్పీడప్ చేయాలని బల్దియా మేయర్ గుండు సుధారాణి ఇంజనీరింగ్ఆఫీసర్లను ఆదేశించారు. బుధవారం బల్దియా హెడ్ ఆఫీస్లో ఇంజినీరింగ్ ఆఫీసర్లతో మేయర్ మాట్లాడుతూ అండర్ గ్రౌండ్ డ్రైనేజీ నిర్మాణ, అభివృద్ధి పనులకు రూ.4170కోట్లతో పాటు వివిధ అభివృద్ధి పనులకు రూ.187కోట్లు నిధులు విడుదల అయ్యాయనితెలిపారు.
అందుకు సీఎం రేవంత్ రెడ్డికి ప్రత్యేక కృతజ్ఞతలు తెలిపారు. సీఎం పట్టణ ప్రగతి జీఓ 65కు సంబంధించిన నిధులు విడుదల చేయక పోవడం వల్ల ఆ పనులు మధ్యలో నిలిచి పోయాయని , రాష్ర్ట ప్రభుత్వం నిధులు మంజూరు చేయడంతో.. వాటిని పూర్తి చేయాలని ఆఫీసర్లను ఆదేశించారు. ఈ కార్యక్రమంలో ఎస్ ఈ ప్రవీణ్ చంద్ర, ఈ ఈ లు మహేందర్, శ్రీనివాస్, సంతోష్ బాబు, డి ఈలు సారంగం, కార్తీక్ రెడ్డి, రవికిరణ్, రాజ్ కుమార్, ఏఈలు, డిబిలు తదితరులు పాల్గొన్నారు.
