- ప్రైవేట్ హాస్పిటల్కు తరలింపు
మేడిపల్లి, వెలుగు: ప్రమాదవశాత్తు లిఫ్ట్ కూలిన ఘటనలో బోడుప్పల్ మేయర్ తోటకూర అజయ్ యాదవ్తో పాటు కాంగ్రెస్ నేతలకు స్వల్ప గాయాలయ్యాయి. కార్పొరేషన్ పరిధిలోని ఆకృతి టౌన్ షిప్లో ఓ ప్రైవేట్ కార్యక్రమానికి ఆదివారం రాత్రి ఆయన వెళ్లాడు. కాంగ్రెస్ పార్టీ నేతలతో కలిసి తిరిగి వస్తున్న క్రమంలో ఫస్ట్ ఫ్లోర్ నుంచి లిఫ్ట్కూలి కిందపడింది.
ఈ ఘటనలో లిఫ్ట్లోని అందరికీ గాయాలు కాగా, సమీప ప్రైవేటు హాస్పిటల్కు తరలించి, ట్రీట్మెంట్ అందిస్తున్నారు. ఆకృతి టౌన్షిప్లో లిఫ్ట్ కూలడం ఇదే తొలిసారి కాదని, ఇప్పటికి మూడు సార్లు ఇటువంటి ఘటనలు జరిగినట్లు స్థానికులు తెలిపారు. ఇప్పటికైనా నిర్వాహకులపై చర్యలు తీసుకోవాలని కోరారు.
