- బ్యూటీషియన్తో ఫోన్చేయించి బొంగళూరుకు రప్పించిండు
- ఎస్సైవేషంలో 21న అపహరణ
- ముఖానికి మాస్క్ వేసి గన్ పెట్టి రూ.3 కోట్ల డిమాండ్
- బాండ్పేపర్లపై సంతకాలు తీసుకుని రిలీజ్
ఇబ్రహీంపట్నం, వెలుగు: ఎంబీబీఎస్ మధ్యలో వదిలేసి ఖరీదైన జీవనశైలికి అలవాటుపడి ఓ యువకుడు ఈజీ మనీ కోసం అడ్డదారులు తొక్కాడు. ఓ మహిళతో వ్యాపారిని హనీ ట్రాప్చేయించి కిడ్నాప్చేశాడు. పోలీస్డ్రెస్వేసుకుని తలపై గన్పెట్టి బెదిరించాడు. అమ్మాయిలతో దిగిన ఫొటోలు, ఫోన్కాల్స్రికార్డ్స్తన దగ్గర ఉన్నాయని, వాటిని బయట పెడతానంటూ రూ. 3 కోట్లు డిమాండ్చేశాడు. అంత డబ్బు తన దగ్గర లేదని చెప్పడంతో బాండ్పేపర్లపై డబ్బులు ఇచ్చేది ఉందంటూ సంతకాలు తీసుకుని వదిలిపెట్టాడు. సదరు వ్యాపారి పోలీసులకు ఫిర్యాదు చేయడంతో ఎట్టకేలకు నిందితులను అరెస్ట్చేసి రిమాండ్ కు తరలించారు.
కేసు వివరాలను ఆదిబట్ల పోలీస్ స్టేషన్ లో శుక్రవారం మహేశ్వరం డీసీపీ సునీత రెడ్డి వెల్లడించారు. కొరివి ధనరాజ్ అలియాస్ అర్జున్ స్వగ్రామం రంగారెడ్డి జిల్లా ఇబ్రహీంపట్నం కాగా, హయత్ నగర్ మండలం వైదేహి నగర్ లో ఉంటున్నాడు. ఎంబీబీఎస్చదువును మధ్యలో ఆపేసి కొద్ది రోజులు ఇబ్రహీంపట్నంలోనే క్లినిక్ నడిపాడు. తర్వాత రియల్ ఎస్టేట్వ్యాపారం అంటూ కుటుంబ ఆస్తులను అన్నీ అమ్ముకున్నాడు. విలాసవంతమైన జీవితానికి అలవాటుపడి ఉన్న డబ్బులన్నీ పోగొట్టుకున్నాడు. ఈజీగా డబ్బులు సంపాదించాలానే దురాశతో ఓ ప్లాన్వేశాడు.
స్పాలో పరిచయమైన మౌలాలికి చెందిన బ్యూటీషియన్ మక్కల భవానితో ఇబ్రహీంపట్నానికి చెందిన బట్టల వ్యాపారి రచ్చ నారాయణకు ఫోన్ చేయించాడు. దీని కోసం ఆమెకు రూ.30 వేలు ఇస్తానని ఒప్పందం చేసుకున్నాడు. ప్లాన్లో భాగంగా ఆమె అతడితో మాటలు కలిపి పరిచయం పెంచుకుంది. బొంగళూరు వద్ద ఉన్న మెట్రో సిటీ వెంచర్లో ప్లాట్స్ ఉన్నాయని, విజిట్చేయడానికి రావాలని కోరింది.
ఫోన్ కాల్స్ ఆధారంగా..
దీంతో ఈ నెల 21న నారాయణ, అతడి డ్రైవర్ ముజీబ్ అక్కడికి వచ్చారు. అంతకుముందే అర్జున్ఆన్ లైన్ లో పోలీస్డ్రెస్, డమ్మీ పిస్టల్కొని ఎస్ఐ వేషంలో రెడీగా ఉన్నాడు. వైదేహినగర్ కు చెందిన శివకుమార్, కర్ణంగూడాకు చెందిన డేరంగుల శ్రీకాంత్, అనాజ్ పూర్ కు చెందిన సుర్వీ శేఖర్ ..అతడికి గన్మెన్లుగా నటించారు. వీరంతా కలిసి నారాయణను కిడ్నాప్చేసి ముఖానికి మాస్క్వేశారు. కారులో ఎక్కించుకుని చుట్టుపక్కల ప్రాంతాల్లో తిప్పారు. పాయింట్బ్లాంక్రేంజ్లో గన్పెట్టిన అర్జున్‘ నువ్వు అమ్మాయిలతో ఉన్న ఫొటోలు, మాట్లాడిన కాల్రికార్డ్స్నా దగ్గర ఉన్నాయ్.
అవి నీ కుటుంబసభ్యులకు పంపుతా. విషయం నా దగ్గర ఆగిపోయేట్టు చేస్తా. కాబట్టి రూ.3 కోట్లు ఇవ్వు. లేకపోతే ఈ విషయం కమిషనర్దాకా పోతుంది’ అని బెదిరించాడు. అంత డబ్బు తన దగ్గర లేదని చెప్పగా, కనీసం రూ. కోటి అయినా ఇవ్వాలని అడిగాడు. అవి కూడా లేవనడంతో బాండ్పేపర్ పై రూ.20 లక్షలు రెండు రోజుల్లో ఇస్తానని రాయించుకుని సంతకాలు తీసుకున్నాడు. తర్వాత ఔటర్ సమీపంలో వదిలేసి వెళ్లిపోయారు.
దీంతో నారాయణ 23న ఆదిబట్ల పీఎస్లో ఫిర్యాదు చేశాడు. ఫోన్కాల్స్, కారు నంబర్తదితర ఆధారాలు సేకరించిన పోలీసులు నిందితులను అరెస్ట్చేశారు. కారు, డమ్మి పిస్టల్, పోలీస్ డ్రెస్, కత్తి, ఏడు సెల్ఫోన్లు స్వాధీనం చేసుకున్నారు. సమావేశంలో ఇబ్రహీంపట్నం ఏసీపీ రాజు, ఆదిబట్ల సీఐ రాఘవేందర్ రెడ్డి ఉన్నారు.
