ఇబ్రహీంపట్నం, వెలుగు : కాంట్రాక్ట్ ఉద్యోగాలను రెగ్యులరైజ్ చెయ్యాలని రంగారెడ్డి జిల్లా సమగ్రశిక్షా కాంట్రాక్టు ఉద్యోగుల సంఘం జిల్లా అధ్యక్షుడు ఎండీ అబ్దుల్ అజీజ్ డిమాండ్ చేశారు. మంగళవారం రంగారెడ్డి జిల్లా కొంగరకలాన్లోని కలెక్టరేట్ గేట్ ముందు జిల్లా సమగ్రశిక్షా కాంట్రాక్టు ఉద్యోగుల సంఘం కాంట్రాక్ట్ ఉద్యోగులు ధర్నా నిర్వహించారు. ధర్నాకు సీపీఎం జిల్లా కార్యదర్శివర్గసభ్యులు పగడాల యాదయ్య, నాయకుడు సామెల్ సంఘీభావం తెలిపారు.
ఇచ్చిన హామీ మేరకు ఎస్ఎస్ఏ ఉద్యోగులను రెగ్యులరైజ్ చెయ్యాలని, ఆరోగ్య భద్రత కల్పించాలని డిమాండ్ చేశారు. ఈ కార్యక్రమంలో రంగారెడ్డి జిల్లా సమగ్రశిక్షా కాంట్రాక్టు ఉద్యోగుల సంఘం గౌరవ అధ్యక్షులు బుచ్చప్ప, మహిళా అధ్యక్షురాలు శ్రీలత, జిల్లా ప్రధాన కార్యదర్శి సంపత్, నాయకులు తదితరులు పాల్గొన్నారు.
