శంషాబాద్, వెలుగు: శంషాబాద్ ఆర్బీనగర్ కాలనీలో శనివారం త్రినేత్ర ఫౌండేషన్ ఆధ్వర్యంలో ఉచిత ఆయుర్వేద మెడికల్ క్యాంపును నిర్వహించారు. అమెరికాకు చెందిన డాక్టర్ అమర్నాథ్ పాల్గొని రోగులకు వైద్య పరీక్షలు చేశారు. దాదాపు 200 మందికి పరీక్షలు నిర్వహించి, మందులు పంపిణీ చేశారు. ఈ సందర్భంగా త్రినేత్ర ఫౌండేషన్ వ్యవస్థాపకురాలు మడపతి పరమేశ్వరీ నరేందర్ మాట్లాడుతూ.. ఇప్పటికే తమ సంస్థ ఆధ్వర్యంలో ఎన్నో సేవా కార్యక్రమాలు చేపట్టామన్నారు. అందులో భాగంగానే శంషాబాద్ లోనూ వైద్య శిబిరం నిర్వహించామన్నారు. భవిష్యత్లో మరిన్ని కార్యక్రమాలు చేపడతామన్నారు.
