- ఎస్పీ ఉదయ్కుమార్రెడ్డి
మెదక్ టౌన్, వెలుగు: మెదక్ జిల్లాలో శాంతి భద్రతల దృష్ట్యా ఈ నెల 31వరకు జిల్లా వ్యాప్తంగా పోలీస్ యాక్ట్ అమలులో ఉంటుందని ఎస్పీ ఉదయ్కుమార్రెడ్డి తెలిపారు. ఆదివారం ఆయన తన ఆఫీసులో మీడియాతో మాట్లాడుతూ.. నెలరోజుల పాటు జిల్లా వ్యాప్తంగా 30, 30(ఎ) పోలీసు యాక్ట్ అమలులో ఉంటుందన్నారు.
పోలీసుల అనుమతి లేకుండా ప్రజలు ధర్నాలు, రాస్తా రోకోలు, నిరసనలు, ర్యాలీలు, పబ్లిక్ మీటింగ్లు, సభలు, సమావేశాలు నిర్వహించరాదన్నారు. ప్రజాధనానికి నష్టం కలిగించే చట్టవ్యతిరేక కార్యక్రమాలు చేపట్టరాదని హెచ్చరించారు. ఈ విషయంలో ప్రజలు, ప్రజాప్రతినిధులు, వివిధ సంఘాల నాయకులు పోలీసులకు సహకరించాలని సూచించారు.
