వార్డు లోపలికి ఎవరినీ అనుమతించని పోలీసులు
పద్మారావునగర్, వెలుగు: మెదక్ ఎంపీ, దుబ్బాక సెగ్మెంట్ బీఆర్‌‌‌‌ఎస్‌ అభ్యర్థి కొత్త ప్రభాకర్ రెడ్డిపై కత్తితో దాడికి పాల్పడిన నిందితుడు ఘటని రాజును ఆ పార్టీ కార్యకర్తలు అడ్డుకుని కొట్టిన సంగతి తెలిసిందే. అయితే, గాయపడ్డ రాజును పోలీసులు గాంధీ ఆస్పత్రికి తరలించగా.. అక్కడ ట్రీట్మెంట్ తీసుకుంటున్నాడు. ఎమర్జెన్సీ బ్లాక్ సెకండ్ ఫ్లోర్లో ఉన్న రాజు హెల్త్ కండీషన్ బాగానే ఉన్నట్లు డాక్టర్లు తెలిపారు. దుబ్బాక పోలీసులతో పాటు స్థానిక పోలీస్ సిబ్బంది ఎమర్జెన్సీ వార్డు వద్ద బందోబస్తు నిర్వహిస్తున్నారు. రాజు ఉన్న వార్డు లోపలికి వెళ్లేందుకు ఎవరినీ అనుమతించడం లేదు. ఎమర్జెన్సీ బ్లాక్‌‌లోని 6 వ ఫ్లోర్లో రాజుకు ట్రీట్మెంట్ ఇవ్వాల్సి ఉండగా, భద్రతా కారణాల దృష్ట్యా 2వ ఫ్లోర్‌‌‌‌లోనిఆర్ఐసీయూలో ట్రీట్ మెంట్ అందిస్తున్నట్లు సమాచారం.
