హైదరాబాద్, వెలుగు: వరల్డ్ డాక్టర్స్ డే సందర్భంగా మెడి9 తన ఇంటిగ్రేటెడ్ మెడికల్ సిస్టమ్స్ లోగోను ఆవిష్కరించింది. సోమాజిగూడ ప్రెస్ క్లబ్లో జరిగిన ఈ కార్యక్రమంలో మెడి 9 హెల్త్ సైన్సెస్ క్లినికల్ డైరెక్టర్ డాక్టర్ వెంకటరామిరెడ్డి, డాక్టర్లు రమణ రాజు, వరలక్ష్మి, విజయలక్ష్మి పాల్గొన్నారు. ఈ సందర్భంగా వారు మాట్లాడుతూ.. ఎంత డబ్బు, హోదా ఉన్నా ఆరోగ్యం లేకపోతే వృథా అన్నారు. ఆరోగ్యమే మహాభాగ్యం సూక్తిని ప్రేరణగా తీసుకుని మెడి9 హోమియోపతి, ఆయుర్వేద చికిత్స అందిస్తోందని చెప్పారు. ఇంటిగ్రేటెడ్మెడికల్సిస్టమ్ లక్ష్యం వ్యాధి లేదా లక్షణంపై మాత్రమే దృష్టి పెట్టకుండా, పేషెంట్ మనస్సు, శరీరానికి చికిత్స చేయడం అన్నారు. ఈ ప్రాసెస్సమగ్ర శరీర సంరక్షణకు దారి తీస్తుందన్నారు. గతంలో 50 ఏండ్లకు వచ్చే డయాబెటిస్, కీళ్ల నొప్పులు, థైరాయిడ్, గుండె, లివర్ సంబంధిత వ్యాధులు 20–-30 ఏండ్ల లోపే వస్తున్నాయన్నారు. వీటిని నిశితంగా పరిశీలించి సమగ్ర వైద్యం అందించాలని తెలిపారు. మెడి9లో చికిత్స అంటే ఇంట్లోనే తీసుకుంటన్నట్లు ఉంటుందన్నారు.
