- విహారయాత్రకు వెళ్లిన 8 మంది రిమ్స్ పీజీ విద్యార్థులు
- ఆదిలాబాద్లో ఘటన
ఆదిలాబాద్, వెలుగు: ఫ్రెండ్షిప్డే సందర్భంగా ఎనిమిది మంది మెడికల్స్టూడెంట్లు విహార యాత్రకు వెళ్లగా అందులో ఒకరు గల్లంతయ్యారు. ఆదిలాబాద్ రిమ్స్ మెడికల్ కాలేజీలో చదువుతున్న ఎనిమిది మంది పీజీ స్టూడెంట్లు ఫ్రెండ్షిప్డే సందర్భంగా ఆదిలాబాద్ మండలంలోని కుంభజారిలోని కోటిలింగాల వాగుకు వెళ్లారు. వాగులోకి వెళ్లిన స్టూడెంట్లలో పీజీ ఫస్ట్ఇయర్చదువుతున్న ప్రవీణ్ స్నానం చేస్తుండగా సుడిగుండంలో చిక్కుకున్నాడు.
ఆయనను కాపాడేందుకు కార్తీక్, రాజు ప్రయత్నించగా వారు కూడా సుడిగుండంలో పడిపోయారు. దీంతో ప్రవీణ్ గల్లంతవగా మిగిలిన ఇద్దరు ఈదుకుంటూ బయటకు వచ్చారు. వీరు రిమ్స్ హాస్పిటల్లో చికిత్స పొందుతున్నారు. కాగా, ఈ విషయం సాయంత్రం వెలుగులోకి వచ్చింది. పోలీసులు, రిమ్స్ డైరెక్టర్ జైసింగ్ రాథోడ్ సంఘటన స్థలానికి చేరుకొని రాత్రి వరకు గాలించినా ప్రవీణ్ ఆచూకీ దొరకలేదు.
