- రోగి ప్రాణాలు కాపాడిన మెడికవర్ డాక్టర్లు
హనుమకొండ, వెలుగు: గుండె సంబంధ వ్యాధితో బాధపడుతున్న 77 ఏండ్ల రోగికి ఆపరేషన్ చేసి, ప్రాణాలు కాపాడినట్లు మెడికవర్ హాస్పిటల్స్ కార్డియాలజీ విభాగం డాక్టర్, ఇంటర్వెన్షనల్ కార్డియాలజిస్ట్ డా.షఫీ పాలగిరి వెల్లడించారు. ఈ మేరకు హాస్పిటల్లో శుక్రవారం ఆపరేషన్ కు సంబంధించిన వివరాలను వెల్లడించారు. 77 ఏండ్ల మామిడపల్లి ముకుందాచారి తీవ్రమైన గుండెపోటుతో మెడికవర్ హాస్పిటల్కు వచ్చాడన్నారు. అతడికి తీవ్ర ఇన్ఫీరియర్ మయోకార్డియల్ ఇన్ఫార్క్షన్, లెఫ్ట్ వెంట్రిక్కులర్ ఫెయిల్యూర్, కార్డియోజెనిక్ షాక్ ఉన్నట్టు నిర్ధారణ అయ్యిందన్నారు.
అంతకుముందు ఇతర హాస్పిటల్స్లో చూపించుకున్నా ఫలితం లేకపోవడంతో సీనియర్ ఇంటర్వెక్షనల్ కార్డియాలజిస్ట్ డాక్టర్ షఫీ, డాక్టర్ శ్రవణ్ రాంపెల్లి ఇతర నిపుణుల బృందం శ్రమించి, ముకుందాచారికి ఆపరేషన్ చేశారు. మార్చి 7 నుంచి 31 తేదీ వరకు ట్రీట్మెంట్ అనంతరం ముకుందాచారిని ఆరోగ్యంగా డిశ్చార్జ్ చేశారు. రోగికి వయోభారం, పునరావృత కార్డియాక్ అరెస్టుల కారణంగా డాక్టర్లకు పెద్ద సవాల్గా మారగా, మెడికవర్ హాస్పిటల్లోని అత్యాధునిక సదుపాయాలతో ఆపరేషన్సక్సెస్ చేసినట్లు డా.షఫీ పాలగిరి వివరించారు.
