భద్రాద్రికొత్తగూడెం, వెలుగు : తెలంగాణ సొసైటీ ఫర్ ట్రైనింగ్ అండ్ ఎంప్లాయిమెంట్ ప్రమోషన్, జిల్లా యువజన, క్రీడల శాఖ ఆధ్వర్యంలో ఈ నెల 29న కొత్తగూడెంలో మెగా జాబ్ మేళాను నిర్వహించనున్నట్టు కలెక్టర్ జితేశ్ వి. పాటిల్ తెలిపారు. జాబ్ మేళాకు సంబంధించి పోస్టర్లను బుధవారం కలెక్టరేట్లో ఆయన ఆవిష్కరించారు.
ఈ సందర్భంగా మాట్లాడుతూ కొత్తగూడెం క్లబ్లో జరుగనున్న ఈ మెగా జాబ్ మేళాను నిరుద్యోగులు సద్వినియోగం చేసుకోవాలని సూచించారు. జాబ్ మేళాలో పాల్గొనేవారు ఆన్లైన్లో ముందస్తుగా దరఖాస్తు చేసుకోవాలని చెప్పారు.
