యంగ్ డైరెక్టర్స్‌‌‌‌‌‌‌‌తో వరుస సినిమాలకు కమిట్ అయిన చిరంజీవి వాటిని పూర్తిచేసే పనిలో ఉన్నారు. ప్రస్తుతం ఆయన చేతిలో ఐదు ప్రాజెక్టులు ఉన్నాయి. నిన్న న్యూ ఇయర్ సందర్భంగా ఆయా మూవీ మేకర్స్ పోస్టర్స్‌ తో విషెస్ చెప్పారు. వాటిలో మెహర్ రమేష్ రూపొందిస్తున్న ‘భోళా శంకర్’ సినిమా నుంచి స్వాగ్ ఆఫ్ భోళా పేరుతో ప్రీ లుక్ రిలీజ్ చేశారు. ఈ పోస్టర్‌‌‌‌‌‌‌‌‌‌‌‌‌‌‌‌లో చిరంజీవి మాస్ గెటప్‌‌‌‌‌‌‌‌లో ఆకట్టుకుంటున్నారు. కొత్త హెయిర్ స్టైల్‌‌‌‌‌‌‌‌తో కూలింగ్ గ్లాసెస్ పెట్టుకుని స్టైలిష్ లుక్‌‌‌‌‌‌‌‌లో కనిపిస్తున్నారు. తమిళ సూపర్ హిట్ ‘వేదాళం’కి రీమేక్‌‌‌‌‌‌‌‌గా తెరకెక్కుతోన్న ఈ చిత్రంలో చిరంజీవికి జంటగా తమన్నా నటిస్తోంది. కీర్తి సురేష్ చెల్లెలిగా కనిపించనుంది. రఘుబాబు, రావు రమేష్, మురళి శర్మ, రవి శంకర్, వెన్నెల కిశోర్ తదితరులు ఇతర పాత్రలు పోషిస్తున్నారు. కీలక షెడ్యూల్‌‌‌‌‌‌‌‌ను రీసెంట్‌‌‌‌‌‌‌‌గా కంప్లీట్ చేశారు. రామబ్రహ్మం సుంకర నిర్మిస్తున్నారు. మహతి స్వరసాగర్ సంగీతం అందిస్తున్నాడు. అలాగే దీనితో పాటు ‘గాడ్‌ ఫాదర్‌’ మూవీ టీమ్‌ కూడా అభిమానులకు న్యూఇయర్‌ విషెస్ చెప్పింది. ఇక కొరటాల శివ రూపొందిస్తున్న ‘ఆచార్య’ నుంచి ‘శానా కష్టం’ అనే లిరికల్ వీడియో సాంగ్‌‌‌‌‌‌‌‌ను రేపు రిలీజ్ చేసి మరింత ట్రీట్ ఇవ్వనున్నట్టు ప్రకటించారు. ఫిబ్రవరి 4న ఈ మూవీ విడుదల కానుంది.
