టైటిల్ : మీమ్ బాయ్స్ (వెబ్ సిరీస్), డైరెక్షన్ : అరుణ్ కౌశిక్, కాస్టింగ్ : గురు సోమసుందరం, బడవ గోపి, సిద్ధార్థ్ బాబు, ఆదిత్య భాస్కర్, జయంత్, నమ్రత, నిఖిల్ నాయర్, లాంగ్వేజ్ : తమిళం, తెలుగు, హిందీ, మలయాళం, కన్నడ, ప్లాట్ ఫాం : సోనీ లివ్, రన్ టైం : ఎనిమిది ఎపిసోడ్స్ (ఒక్కోటి అరగంట)
ఒక ఇంజినీరింగ్ కాలేజీలో చదువుకునే ముగ్గురు అబ్బాయిలు, ఒక అమ్మాయి అరెస్ట్ అవ్వడంతో కథ మొదలవుతుంది. వాళ్లని ఎందుకు అరెస్ట్ చేశారు అనే దానిచుట్టూ కథ నడుస్తుంది. అసలు ఆ నలుగురు ఎవరంటే... వాళ్లకి మీమ్ కాంటెస్ట్లో పార్టిసిపేట్ చేయాలని ఆశ. అందుకోసం ఒక మీమ్ పేజ్ క్రియేట్ చేసి, కొన్ని మీమ్స్ అప్లోడ్ చేస్తారు. వాటికి వ్యూయర్స్ నుంచి మంచి రెస్పాన్స్ వస్తుంటుంది. కానీ, వాళ్ల కాలేజీలో జరిగే కొన్ని విషయాలను వ్యతిరేకిస్తూ డీన్పై మీమ్స్ చేయడంతో ఆయనకు కోపం వస్తుంది. ఆ మీమ్స్ చేసింది ఎవరనేది ఆయన కనిపెట్టాడా? ఆ తర్వాత ఏం జరిగింది? అనేది చూడాల్సిందే. ఈ సిరీస్ మొదటి రెండు ఎపిసోడ్లు బాగానే అలరిస్తాయి. మిగతా ఎపిసోడ్లలో ఒకటి రెండు అంతగా ఆకట్టుకోలేదు. చివరి ఎపిసోడ్లో క్లైమాక్స్ ఫర్వాలేదనిపిస్తుంది. రెండో సీజన్ కంటిన్యూ అవుతుందని ఒక క్లూ ఇచ్చారు. ఓవరాల్గా ఈ సిరీస్లో ఒకటే విషయం రిపీట్ అవ్వడం వల్ల కాస్త బోర్ కొట్టినా, మెయిన్ లీడ్స్గా చేసిన నలుగురి యాక్టింగ్తో బాగానే ఎంటర్టైన్ చేశారు.
