ఎప్పటికప్పుడు ట్రెండింగ్లో ఉండాలంటే రీల్స్, షార్ట్స్ చేస్తుంటారు చాలామంది. అయితే స్మార్ట్ఫోన్లలో తీసే వీడియోలు ఇన్స్టాగ్రామ్, యూట్యూబ్లలో అప్లోడ్ చేయాలంటే వాటిని ఎడిట్ చేయాల్సి ఉంటుంది. అందుకోసం ఎడిటింగ్ కోసం కొన్ని యాప్లు వాడుతుంటారు. అయితే వీడియో ఎడిటింగ్ కోసం మెటా సరికొత్త యాప్ తీసుకొచ్చింది. దానిపేరే ఎడిట్స్. ఈ యాప్ కేవలం ఎడిటింగ్కే కాదు.. క్రియేటర్లకు క్రియేటివ్ సూట్ లాంటిది అన్నారు ఇన్స్టాగ్రామ్ హెడ్ ఆడమ్ మెస్సెరి.
ఇంతకీ ఇందులో ఫీచర్లు ఏంటంటే.. క్రియేటర్లు ఐడియాలను సేవ్ చేసుకోవడానికి ఈ యాప్లోనే ఒక ట్యాబ్ ఉంటుంది. అలాగే మంచి క్వాలిటీ వీడియోలు రికార్డ్ చేసుకునే కెమెరా సెట్టింగ్స్ అందుబాటులో ఉంటాయి. దాంతోపాటు అడ్వాన్స్డ్ ఎడిటింగ్ టూల్స్ కూడా ఉంటాయి. క్రియేటర్లు, ఫ్రెండ్స్ తమ డ్రాఫ్ట్లను ఒకదానితో ఒకటి షేర్ చేసుకోవచ్చు. ఇన్స్టాగ్రామ్లో షేర్ చేసిన వీడియోలు ఎలా ప్లే అవుతున్నాయో తెలసుకోవడానికి పర్ఫార్మెన్స్ ఇన్సైట్ టూల్స్ ఉన్నాయి. వాటర్ మార్క్ లేకుండా వీడియోలు ఎక్స్పోర్ట్ చేసుకోవచ్చు. ప్రస్తుతం ఈ యాప్ యాపిల్ ఐఫోన్లలో అందుబాటులో ఉంది. త్వరలోనే ఆండ్రాయిడ్ ఫోన్లలో కూడా రాబోతుంది. ఈ యాప్ పూర్తిగా ఉచితం.
