హైదరాబాద్ సిటీ, వెలుగు : ప్యాసింజర్ల సేఫ్టీనే తమ ఫస్ట్ ప్రయారిటీ అని మెట్రో రైల్ఎండీ ఎన్వీఎస్ రెడ్డి వెల్లడించారు. ఎల్అండ్టీ, మెట్రో రైల్ తొలి భద్రతా సెమినార్‌ను గురువారం నిర్వహించగా, సంస్థల ఉన్నతాధికారులు, భద్రతా నిపుణులు పాల్గొన్నారు. ప్రాజెక్ట్ నిర్మాణం, నిర్వహణలో భద్రత, ప్రాధాన్యతను ఎన్వీఎస్ రెడ్డి వివరించారు.
మెట్రో నిర్మాణ సమయంలో జీరో- ఫాటాలిటీ రికార్డును సాధించినందుకు అనేక అవార్డులు వచ్చిన విషయాన్ని గుర్తుచేశారు. భద్రతకు ప్రాధాన్యతనిస్తూ, మెరుగైన రీతిలో మెట్రో వ్యవస్థ కొనసాగుతుందని ఎల్అండ్టీ ఎండీ, సీఈవో కేవీబీ రెడ్డి హామీ ఇచ్చారు.
