- రూ.1.23 లక్షల మద్యం బాటిళ్ల చోరీ
నేరడిగొండ, వెలుగు : నేరడిగొండ మండల కేంద్రంలోని వరుణ్ లిక్కర్ మార్ట్లో శనివారం అర్ధరాత్రి చోరీ జరిగింది. గుర్తుతెలియని వ్యక్తులు అర్ధరాత్రి షటర్ పగులగొట్టి లోపలికి ప్రవేశించారు. కౌంటర్లో ఉన్న రూ.8,050 నగదు, రూ.1,23,360 విలువచేసే మద్యం బాటిళ్లతో ఉడాయించారు. ఆదివారం ఉదయం చోరీ విషయాన్ని గుర్తించిన వైన్స్ యజమానులు పోలీస్ స్టేషన్లో ఫిర్యాదు చేశారు.
ఘటనా స్థలానికి చేరుకున్న పోలీసులు చోరీ జరిగిన తీరును, సీసీ కెమెరాల్లో రికార్డయిన చోరీ దృశ్యాలను పరిశీలించారు. ముగ్గురు దుండగులు ముఖానికి మాస్కులు పెట్టుకొని వైన్స్లోకి చొరబడినట్లు చోరీ చేసినట్లు గుర్తించారు. కేసు నమోదు చేసి దర్యాప్తు చేస్తున్నట్లు తెలిపారు.
