- 12.5 తులాల గోల్డ్, రూ.4.61 లక్షలు ఎత్తుకెళ్లిన దొంగలు
కొడంగల్, వెలుగు: అర్ధరాత్రి దొంగలు హల్ చల్ చేసిన ఘటన వికారాబాద్జిల్లాలో జరిగింది. తాళం వేసిన మూడిండ్లలో చొరబడి 12.5 తులాల బంగారం, రూ.4.61 లక్షల నగదు ఎత్తుకెళ్లారు. గ్రామస్తులు, బాధితులు తెలిపిన మేరకు.. బొంరాస్పేట మండలం ఏర్పుమల్లలో రమేశ్తన ఇంటి నిర్మాణానికి బీరువాలో దాచిన రూ. 4 లక్షల డబ్బు,10 తులాల బంగారం ఎత్తుకెళ్లారు.
మరో రెండిండ్లలో 2.5 తులాల గోల్డ్, రూ. 61వేలు దోచుకెళ్లారని బాధితులు నర్సమ్మ, మాసప్ప తెలిపారు. పోలీసులకు ఫిర్యాదు చేయడంతో చోరీ జరిగిన ఇండ్లను పరిశీలించి ఆధారాలు సేకరించి కేసు నమోదు చేశారు.
